17:27, 04 - اقپان 2021 | GMT +5
سادىر جاپاروۆ: قىرعىزستاندا پرەمەر- مينيستر قىزمەتى بولمايدى
نۇر- سۇلتان. قازاقپارات - قىرعىزستاندا ەلدىڭ پرەمەر- ءمينيسترى قىزمەتى تاراتىلادى. بۇل تۋرالى ءوزىنىڭ Telegram ارناسىندا قىرعىزستان پرەزيدەنتى سادىر جاپاروۆ جازدى،
دەپ حابارلايدى قازاقپارات كابار اگەنتتىگىنە سىلتەمە جاساپ.
ول سونداي- اق ءبىر- ءبىرىنىڭ قىزمەتىن قايتالايتىن مينيسترلىكتەردىڭ تاراتىلاتىنىن حابارلادى. مەملەكەت باسشىسى بۇل وقيعاعا دەيىن كەم دەگەندە 6 اي بار ەكەنىن، ال بۇعان دەيىن ۇكىمەتتىڭ جۇمىس ىستەيتىنىن جازدى.
«وسى ۋاقىتتا جاڭا كونستيتۋتسيا مەن جاڭا زاڭدار قابىلدانادى. جاڭا كونستيتۋتسيانى قابىلداۋ اياسىندا جاڭا رەفورمالار، وزگەرىستەر بولادى، تەك زاڭ نەگىزىندە تەكسەرىلگەن جاڭا كاسىبي كادرلار عانا كەلەدى»، - دەدى ول.
ءوز سوزىندە سادىر جاپاروۆ اتالعان مىندەتتەردى ىسكە اسىرۋعا ۋاقىت قاجەت ەكەنىن قوسىپ ءوتتى.
اۆتور: زارينا تۋعانبايەۆا
