كانەلو مەن سوندەرس اراسىنداعى جەكپە- جەك قاشان وتەتىنى بەلگىلى بولدى

نۇر-سۇلتان. قازاقپارات - ورتا سالماقتاعى WBC جانە WBA الەم چەمپيونى ساۋل كانەلو الۆارەس پەن WBO بەلبەۋىنىڭ يەگەرى، بريتانيالىق بيللي دجو سوندەرس اراسىنداعى جەكپە-جەكتىڭ وتەتىن كۇنى بەلگىلى بولدى.

اتاقتى امەريكالىق جۋرناليست جانە ينسايدەر مايك كوپپينگەردىڭ ايتۋىنشا، كانەلو مەن سوندەرس 8- مامىردا جۇدىرىقتاسادى.

ونىڭ ايتۋىنشا، جەكپە-جەك DAZN پلاتفورماسىندا وتەدى. ءالى قاي ارەنادا وتەتىنى بەلگىسىز.

27- اقپاندا، كانەلو ءوزىنىڭ WBC چەمپيوندىق بەلبەۋىن تۇركيالىق اۆني يىلدىرىممەن جەكپە- جەك وتكىزىپ، قورعاۋى كەرەك.

كانەلو مەن سوندەرس WBC، WBA جانە WBO بەلبەۋلەرى ءۇشىن جەكپە-جەك وتكىزۋگە كەلىسكەن.

ال الۆارەس بريتانيالىق ەددي حيرنمەن ەكى جەكپە-جەك وتكىزۋگە كەلىسىمشارت جاساعان بولاتىن.

massaget.kz