قار، كوكتايعاق، تۇمان - بەيسەنبىگە ارنالعان اۋا رايى

نۇر-سۇلتان. قازاقپارات - بەيسەنبى كۇنى ەلىمىزدە قار جاۋىپ، جەل كۇشەيەدى، تۇمان ءتۇسىپ، كوكتايعاق بولۋى ىقتيمال، دەپ حابارلايدى قازاقپارات قازگيدرومەتكە سىلتەمە جاساپ.

4 - اقپاندا اتلانت تسيكلونى قازاقستان اۋماعىمەن جىلجيدى. قار ارالاس جاڭبىر جاۋادى، كوكتايعاق بولادى، جەل كۇشەيەدى، سونىمەن قاتار اۋا تەمپەراتۋراسى جوعارلايدى.

ال رەسپۋبليكانىڭ وڭتۇستىك بولىگى جوعارى قىسىم اۋماعىندا ورنالاسقاندىقتان، كۇن رايى اشىق بولادى. ەلىمىزدىڭ كەي جەرلەرىندە تۇمان ءتۇسۋى مۇمكىن.

اقمولا، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان تۇسەدى، كوكتايعاق بولادى، بوران سوعادى، جەلدىڭ جىلدامدىعى 15-20 م/س كۇشەيەدى، شىعىس قازاقستان وبلىسىندا ەكپىنى 25 م/س جەتەدى.

قاراعاندى وبلىسىنىڭ كەي جەرلەرىندە تۇمان تۇسەدى، كوكتايعاق بولۋى ىقتيمال، تۇندە جەلدىڭ جىلدامدىعى 15-20 م/س كۇشەيەدى.

باتىس قازاقستان، اقتوبە، قوستاناي، پاۆلودار وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.

الماتى، جامبىل، تۇركىستان، قىزىلوردا، ماڭعىستاۋ، اتىراۋ وبلىستارىنىڭ كەي جەرلەرىندە تۇمان ءتۇسۋى ىقتيمال.