بۇگىن ەلىمىزدىڭ ءبىرقاتار وبلىسىندا جولدار جابىلادى

نۇر- سۇلتان. قازاقپارات - اۋا رايىنىڭ قولايسىزدىعىنا بايلانىستى ەلىمىزدىڭ ءبىرقاتار وڭىرىندە جول قوزعالىسى توقتاتىلادى، دەپ حابارلايدى قازاقپارات ءتىلشىسى.

3-اقپان كۇنى ساعات 19:00-دەن باستاپ پاۆلودار وبلىسىندا اۋا رايى جاعدايىنىڭ بۇزىلۋىنا (بوران، تۇمان، كوكتايعاق بولۋىنا) بايلانىستى بارلىق باعىت بويىنشا كولىكتىڭ بارلىق تۇرىنە جول جۇرۋگە تىيىم سالىنادى. سونداي- اق، بۇگىن 19:00-دەن باستاپ پاۆلودار وبلىسىندا اۋا رايىنىڭ بۇزىلۋىنا بايلانىستى شىعىس قازاقستان وبلىسىنداعى كولىك قوزعالىسىنا شەتكەۋ قويىلادى.

اتاپ ايتقاندا «ومبى- مايقاپشاعاي» اۆتوجولىنىڭ 587-733 شاقىرىمىندا - پاۆلودار وبلىسى مەن سەمەي قالاسىنىڭ شەكاراسىندا كەز كەلگەن كولىك قوزعالىسىنا شەكتەۋ قويىلادى. اقمولا وبلىسىندا دا اۋا رايىنىڭ قولايسىزدىعىنا بايلانىستى بۇگىن ساعات 19.00-دەن باستاپ «نۇر- سۇلتان - ەرەيمەنتاۋ - شىدەرتى» باعىتىنداعى اۆتوجول، «ەكاتەرينبۋرگ - الماتى» باعىتىنداعى اۆتوجول جانە «جاقسى - ەسىل - بۇزىلىق» تاسجولى جابىلدى. اۋا رايىنىڭ قولايسىزدىعىنا بايلانىستى قاراعاندى وبىلىسىنداعى « قىزىلوردا - پاۆجودار» تاسجولى دا جابىلعانىن اتاپ وتكەن ءجون.