فۋتبول: قازاقستان جاسوسپىرىمدەر قۇراماسى بەلارۋستەن باسىم ءتۇستى
ەستەرىڭىزگە سالا كەتەلىك، بۇدان بۇرىن قازاقستاندىق فۋتبولشىلار العاشقى تۋردا تاجىكستان قۇراماسىنا 1:7 ەسەبىمەن ويسىراي جەڭىلگەن ەدى. سول كەتكەن ەسەنى بۇگىنگى ويىندا قايتاردى.
قازاقستاندىقتار بەلارۋس ەلىنىڭ 16 جاسقا دەيىنگى جاسوسپىرىمدەر قۇراماسىن 4:2 ەسەبىمەن تىزە بۇكتىردى.
ءبىرىنشى كەزەڭدە ولار قارسىلاستار قاقپاسىنا جاۋاپسىز ءتورت گول سوقتى. ميراس امانتايەۆ 96، ءامىرالى ورازبەك 23، ءامىر تەمىرعالي 40، يان ترۋفانوۆ 45-مينۋتتاردا مەرگەندىك تانىتتى. ال بەلارۋس جاسوسپىرىمدەرى وعان 89 جانە تورەشى قوسقان قوسىمشا ۋاقىتتا ەكى گولمەن جاۋاپ قايىردى. اتالعان توپتاعى تاجىكستان (U17) فۋتبولشىلارى مولدوۆا (U16) ورەندەرىن 5:1 ەسەبىمەن ءسۇرىندىردى. ەكى تۋردان كەيىن التى ۇپاي جيناعان تاجىكستان (U17) كوش باسىندا تۇر. ودان كەيىنگى ورىندارداعى قازاقستان (U17) مەن مولدوۆادا (U16) ءۇش- ۇشتەن ۇپاي بار. ازىرگە كوش سوڭىنداعى بەلارۋس (U16) ورەندەرىنىڭ قورجىنى بوس، ەشقانداي ۇپاي العان جوق. ەندە قازاقستاندىق ورەندەر 6 اقپاندا مولدوۆا (U16) قۇراماسىمەن كەزدەسەدى.
