تۇركىستان قالاسىندا اسا قاۋىپتى ينفەكسيالار تىركەلگەن جوق – اكىمدىك

تۇركىستان. قازاقپارات - وتكەن جىلى تۇركىستان قالاسىنىڭ تۇرعىندارى اراسىندا اسا قاۋىپتى ينفەكسيالار ايتاپ ايتقاندا، تىرىسقاق، وبا، قۇتىرۋ، كۇيدىرگى، سىرەسپە، قىزامىق، ەپيدەميالىق پاروتيت، «ا» ۆيرۋستى گەپاتيتى جانە ءىرىڭدى مەنينگيت اۋرۋلارى تىركەلمەگەن.

سانيتاريالىق- ەپيدەميولوگيالىق ءىس- شارالاردىڭ جوسپارلى جۇرگىزىلۋىنە بايلانىستى، جەكەلەگەن اۋرۋلاردىڭ دا تومەندەۋى بايقالادى. بۇل تۋرالى قازاقپارات تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ حابارلايدى.

تۇركىستان وبلىسىنىڭ سانيتاريالىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، بىلتىر جەدەل جۇقپالى قىزىلشا اۋرۋى، جۇقپالى ىشەك اۋرۋى تىركەلىپ، ينفەكسياعا قارسى ەپيدەميولوگيالىق ءىس- شارالار اتقارىلعان. دەپارتامەنت باسشىسى ن. نىشانوۆ الەمدى جايلاعان پاندەميامەن كۇرەستە ەپيدەميولوگيالىق جاعدايدى تۇراقتاندىرۋ ماقساتىندا جۇيەلى جانە ناتەجيەلى جۇمىستار اتقارىلاتىنىن ايتتى.

پاندەميا كەزىندە كارانتين تالاپتارىن ورەسكەل بۇزعاندار دا بولدى. التى موبيلدىك توپ جۇرگىزگەن مونيتورينگىلەۋ جۇمىستارىنىڭ ناتيجەسىندە 4453 نىسان تەكسەرىلىپ، 20 ميلليون تەڭگە كولەمىندە ايىپپۇل سالىنعان. كارانتين تالاپتارىن ساقتاماعان 62 جەكە كاسىپكەرگە اكىمشىلىك حاتتامالار تولتىرىلىپ، سوتقا جولداندى. قالالىق سوتتىڭ شەشىمىمەن ولاردىڭ بەسەۋى 5 تاۋلىككە قامالىپ، ءبىر كاسىپكەر ەسكەرتۋ الدى. وتكەن جىلى تۇركىستان قالاسى تۇرعىندارى اراسىندا كوروناۆيرۋس ينفەكسيا دياگنوزىمەن 729 ناۋقاس تىركەلگەن.

«COVID-19» زەرتحانالىق راستالعان ناۋقاستار بويىنشا وشاقتارعا دەزينفەكسيالىق، ەپيدەمياعا قارسى ءىس- شارالار جۇرگىزىلىپ، ينفەكسيامەن كۇرەس بارىسىندا قالانىڭ ەپيدەميولوگيالىق احۋالىن ەسكەرە وتىرىپ، قالانىڭ باس مەملەكەتتىك سانيتاريالىق- دارىگەرى 72 قاۋلى شىعارعان.