بۇقتىرما سۋ قويماسى ارقىلى وتەتىن كوپىر قۇرىلىسى باستالدى

ەستەرىڭىزگە سالا كەتسەك، وسىعان دەيىن كوپىر قۇرىلىسىنا بيىل 1 ميلليارد تەڭگە بولىنگەنى حابارلانعان بولاتىن.

«بۇقتىرما سۋ قويماسى ارقىلى وتەتىن كوپىر قۇرىلىسىنىڭ دايىندىق جۇمىستارى باستالىپ كەتتى. اتالعان نىسان بويىنشا وتكەن كونكۋرستىڭ جەڭىمپازى بولعان «وبل شىعىس جول» ج ش س ديرەكتورىنىڭ قۇرىلىس جونىندەگى ورىنباسارى ايدار ماميەۆتىڭ ايتۋىنشا، بۇگىندە كوپىرگە دەيىنگى اينالما جول سالىندى. سونىمەن قاتار گەودەزيالىق، ەلەكتر جەلىسىن تارتۋ بويىنشا دا جۇمىستار جۇرگىزىلىپ جاتىر»، - دەپ حابارلادى كۇرشىم اۋدانىنىڭ اكىمدىگى.

ەندىگى كەزەكتە تەحنيكالىق جول سالىنۋدا. اتالعان جۇمىستارعا 5 ساموسۆال، 2 بۋلدوزەر، 2 گرەيدەر تارتىلعان. بۇل جۇمىستار ءبىر اي كولەمىندە اياقتالادى.

«كوپىر قۇرىلىسىنا تارتىلعان جۇمىسشىلار ءۇشىن 250 ورىندىق جاتاقحاناسىمەن قۇرىلىس قالاشىعى سالىناتىن بولادى. كوپىر قۇرىلىسىن جۇرگىزۋ بويىنشا جۇمىستار بەكىتىلگەن جوسپارعا ساي اتقارىلادى»، - دەلىنگەن مالىمەتتە.