الماتىلىقتار «سايران» ۆوكزالى ماڭىنداعى تاكسي جۇرگىزۋشىلەرىنە شاعىمداندى

الماتى. قازاقپارات - «سايران» اۆتوۆوكزالىنىڭ ماڭىندا تۇراتىن الماتىلىقتار كۇندىز- ءتۇنى جۇرتتىڭ مازاسىن الاتىن تاكسيستەرگە شاعىمداندى، دەپ حابارلايدى قازاقپارات ءتىلشىسى.

اۋەزوۆ اۋدانى اكىمىنىڭ ەسەپ بەرۋ جيىنى بارىسىندا، اۋدان تۇرعىندارىنىڭ ءبىرى اكىمگە ساۋال جولدادى. ونىڭ ايتۋىنشا، ۆوكزال ماڭىندا تۇراتىن تاكسيستەر كليەنتتەردى جيناپ، كۇندىز- ءتۇنى مازا بەرمەيدى. ول اكىمنەن شۋلى تاكسي جۇرگىزۋشىلەرگە قاتىستى ماسەلەنى شەشىپ بەرۋىن سۇرادى.

«تاستاق» پەن «سايران» اۋماعىندا بۇل ماسەلە ۇنەمى كوتەرىلىپ وتىرادى. وتكەن جىلى ءبىزدىڭ قىزمەتكەرلەر الماتى قالالىق پوليتسيا دەپارتامەنتى جانە قالانىڭ موبيلدىلىك باسقارماسىمەن بىرلەسىپ اپتاسىنا 2-3 رەت رەيدتىك ءىس- شارالار وتكىزدى. ناتيجيەسىندە 100-دەن استام جۇرگىزۋشى اكىمشىلىك جاۋاپكەرشىلىككە تارتىلدى. قازىر اۆتوۆوكزال ماڭىندا تاكسي جۇرگىزۋشىلەرى جوق. «سايران» كولىنىڭ ماڭىندا دا تۇرمايدى. ءبىراق، ولار قازىر كوبىنەسە اۋلالاردا جۇرەدى. وسىعان وراي، ەندى بۇل سۇراققا اۋەزوۆ اۋداندىق پوليتسيا باستىعى جاۋاپ بەرەدى»، - دەدى اۋەزوۆ اۋدانىنىڭ اكىمى سايران سايفەدەنوۆ.

ءوز كەزەگىندە، اۋداندىق پوليتسيا باسقارماسىنىڭ باستىعى بۇل ماسەلە ەرەكشە باقىلاۋعا الىناتىنىن اتاپ ءوتتى. پروفيلاكتيكالىق جۇمىس تۇراقتى تۇردە جۇزەگە اسىرىلادى.

اۆتور: الما مۇقانوۆا