اقپارات مينيسترلىگىنىڭ كۇندەرى باستالدى
بۇگىن قازاقستاننىڭ ايماقتارىندا وتەتىن «مينيسترلىك كۇندەرى» باستالدى. ءىس- شارالار ستراتەگيالىق سەسسيا فورماتىنداعى ونلاين تۇردە وتكىزىلۋدە. اقمولا وبلىسىندا «مينيسترلىك كۇنىن» اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ اشىپ، اقمولا وبلىسى اكىمىنىڭ ورىنباسارى اينا مىسىرالىموۆامەن بەينەكونفەرەنسيا فورماتىندا كەزدەسۋ وتكىزدى. كەزدەسۋگە قاتىسۋشىلار كۇننىڭ باعدارلاماسىن تالقىلادى، وعان سايكەس ازاماتتىق قوعام، ءدىن، ەتنوسارالىق كەلىسىم، جاستار، وتباسى جانە ب ا ق سالالارىندا 14 كەزدەسۋ مەن سەمينارلار وتكىزۋدى جوسپارلانعان.
«اتالعان ءىس- شارانىڭ نەگىزگى مىندەتى مينيسترلىك جەتەكشىلىك ەتەتىن وزەكتى ماسەلەلەر مەن مىندەتتەردى تالقىلاۋ جانە ءتۇسىندىرۋ، مەملەكەتتىك ورگاندار مەن ءوڭىر جۇرتشىلىعى وكىلدەرىنىڭ سىندارلى ديالوگىن قۇرۋ، سونداي- اق ءسىزدىڭ قويىلعان سۇراقتارعا جاۋاپ بەرۋ بولىپ تابىلادى»، - دەدى ءوز سوزىندە ۆيتسە- مينيستر مارات ءازىلحانوۆ.
ول شارالارعا قاتىسۋشىلاردى سىندارلى ديالوگ قۇرۋ ماقساتىندا سەسسيا قورىتىندىلارى بويىنشا مينيسترلىك جەتەكشىلىك ەتەتىن باعىتتار بويىنشا جۇرگىزىلەتىن شارالاردى جەتىلدىرۋ جونىندە ءوز ۇسىنىستارىن بەرۋ مۇمكىندىگىن قولدانۋدى سۇرادى.
سونىمەن بىرگە، اينا ءمىسىرالىموۆا مۇنداي كەزدەسۋلەر بۇگىنگى جاعدايدا ادەتكە اينالعان ونلاين فورماتقا قاراماستان، پىكىر الماسۋعا جانە پروبلەمالىق ماسەلەلەردى شەشۋگە بىرەگەي مۇمكىندىك بەرەتىنىن اتاپ ءوتتى.
«ءبىرقاتار جاڭا زاڭداردىڭ قابىلدانۋى مەن قولدانىستاعى زاڭناماعا ەنگىزىلگەن تۇزەتۋلەردى ەسكەرە وتىرىپ، ءبىز پراكتيكادا ءدىن، جاستار جانە وتباسىلىق ساياساتتا، ونىڭ ىشىندە تۇرمىستىق زورلىق- زومبىلىق سۇراقتارى، ەتنوسارالىق قاتىناستار، مەملەكەتتىك مەديا ساياسات جانە باسقالاردى تالقىلاۋ ۋاقىتىلى دەپ سانايمىن»، - دەدى ا. ءمىسىرالىموۆا.
ءىس- شارالارعا مەملەكەتتىك قىزمەتشىلەر، ايماقتىق بىرلەستىكتەردىڭ، ۇكىمەتتىك ەمەس ۇيىمداردىڭ، اقمولا وبلىسىنىڭ بۇقارالىق اقپارات قۇرالدارىنىڭ جانە مينيسترلىككە باعىنىستى ۇيىمدارىنىڭ وكىلدەرى رەتىندە 500 گە جۋىق ادام قاتىسادى.
ستراتەگيالىق سەسسيالار مەملەكەت پەن قوعامنىڭ ءوزارا ءىس- قيمىلىنىڭ دامۋىنا، مەملەكەت باسشىسىنىڭ جولداۋىندا جاريالانعان شەشىمدەرگە قوعامدىق مونيتورينگ پەن ورىندالۋىنا باقىلاۋ جۇرگىزۋگە باعىتتالعان. ەپيدەميولوگيالىق جاعدايعا بايلانىستى جانە كوروناۆيرۋستىڭ تارالۋىنا جول بەرمەۋ ءۇشىن بارلىق ءىس- شارالار ونلاين رەجيمىندە وتكىزىلەدى.
