مەملەكەت باسشىسى انەس سارايدىڭ تۋىستارىنا كوڭىل ايتۋ جەدەلحاتىن جولدادى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى.
«كورنەكتى جازۋشى، اقىن، دراماتۋرگ، قازاقستاننىڭ ەڭبەك سىڭىرگەن قايراتكەرى، مەملەكەتتىك سىيلىقتىڭ يەگەرى انەس تولەندى ۇلى سارايدىڭ دۇنيەدەن وتۋىنە بايلانىستى كوڭىل ايتامىن. قارىمدى قالامگەر رەسپۋبليكالىق گازەتتەر مەن باسپادا جانە قازاقستان جازۋشىلار وداعىندا ەڭبەك ءسىڭىردى. ۇزاق جىلعى شىعارماشىلىق جولىندا تاريحي، ادەبي-زەرتتەۋ تۋىندىلارىن تارتۋ ەتتى. مارقۇمنىڭ جانى ءجانناتتا، يمانى سالامات بولسىن»، - دەلىنگەن كوڭىل ايتۋ جەدەلحاتىندا.
جازۋشى، دراماتۋرگ انەس ساراي ۇلتتىق پانتەوندا جەرلەنەتىن بولدى. كەشە جازۋشى انەس ساراي ومىردەن وزدى.
