قازاقستاندىق بوكسشى الەم چەمپيونىنىڭ مىندەتتى قارسىلاسى اتانۋى مۇمكىن
ونىڭ قارسىلاسى رەسەيلىك ەۆگەني شۆەدەنكونىڭ (15-0، 6 ك و) اتانۋى مۇمكىن، - دەپ حابارلايدى Vesti.kz پورتالى.
دەرەككوزدىڭ اقپاراتى بويىنشا، بۇل كەزدەسۋ ءساۋىر نەمەسە مامىر ايلارىندا وتەدى. ال بۇل كەزدەسۋدىڭ جەڭىمپازى IBF بەلبەۋىنىڭ يەگەرى، امەريكالىق كالەب پلانتتىڭ (21-0، 12 ك و) مىندەتتى قارسىلاسى بولادى.
ايتا كەتەيىك، قازىرگى ۋاقىتتا ەربوسىن ۇلى IBF رەيتينگىندە التىنشى ورىندا تۇرسا، شۆەدەنكو بەسىنشى ساتىدا. ال رەيتينگتىڭ ءۇشىنشى ساتىسىندا تۇرعان امەريكالىق كالەب ترۋا (31-4-2، 19 ك و) بولسا، قاڭتار ايىندا تورەشىلەردىڭ شەشىمى بويىنشا پلانتتان جەڭىلىپ قالدى.
ەسكە سالايىق، وتانداسىمىز ءوزىنىڭ سوڭعى كەزدەسۋىن 16-جەلتوقسان كۇنى وتكىزىپ، گانالىق يسسا ساميرادان ۇستەم ءتۇستى. بۇل كەزدەسۋدە ەربوسىن ۇلى WBC Asia، WBA International جانە WBO Global بەلبەۋلەرىن ساقتاپ قالدى.
