قىتايدا قۇس تۇماۋىنان جابايى اققۋلار قىرىلۋدا
بەيجىڭ. قازاقپارات - بەيجىڭنىڭ سولتۇستىك-باتىسىندا ورنالاسقان جازعى يمپەراتور سارايىندا H5N8 ۆيرۋسىنان بولاتىن قۇس تۇماۋى ءورشىدى.
بۇل تۋرالى دۇيسەنبى كۇنى ق ح ر اۋىل شارۋشالىعى جانە اۋىلدىق ىستەر جونىندەگى مينيسترلىك ءمالىم ەتتى، دەپ حابارلايدى «قازاقپارات» ح ا ا مەنشىكتى ءتىلشىسى.
ءۇش جابايى اققۋ مەن وزگە تاعى ءۇش قۇس ۆيرۋستان ءولدى. بەيجىڭ - سوڭعى ءۇش ايدا قىتايدا جابايى اققۋلاردا قۇس تۇماۋى تىركەلگەن ءۇشىنشى ەلدى مەكەن.
بۇعان دەيىن اۋرۋدىڭ ءورشۋى شانسي جانە شاندۋن پروۆينتسيالارىندا بولعان. جەرگىلىكتى ب ا ق- تىڭ حابارلاۋىنشا، H5N8 قۇس تۇماۋىنىڭ ادامعا بەرىلۋى مۇمكىن ەكەندىگى تۋرالى ازىرگە ەش دالەل جوق.
«بارلىق ولگەن اققۋ ءتيىستى تۇردە جەرلەنىپ، ىرگەلەس اۋماقتا دەزينفەكتسيالىق جۇمىستار جۇرگىزىلدى»، - دەلىنگەن حابارلامادا.
