20:42, 01 - اقپان 2021 | GMT +5
يلون ماسك مايمالعا چيپ سالىپ ۆيدەو ويىن ويناۋدى ۇيرەتتى
نۇر-سۇلتان. قازاقپارات - Neuralink ستارتاپى يلون ماسك مايمىلدىڭ ميىنا نەيرويمپلانتاتتى ءساتتى ەنگىزدى. وسىدان سوڭ ەكسپەريمەنتالدى جانۋار كومپيۋتەرلىك ويىندار ويناي الدى.
بۇل تۋرالى ميللياردەردىڭ ءوزى ايتتى، دەپ حابارلايدى Bloomberg.
مايمىلدىڭ باسىنا سىمسىز يمپلانت ورناتىلدى. پريمات ءوز اقىلىمەن ۆيدەو ويىندار ويناي الادى. ماسكتىڭ ايتۋىنشا، جانۋار ءوزىن جاقسى سەزىنەدى جانە باقىتتى كۇيدە.
سونداي- اق، جۇيە چيپ سالىنعان بىرنەشە جانۋارمەن جۇمىس ىستەۋگە قابىلەتتى، مىسالى، كومپيۋتەرلىك پينگ- پونگ وينايتىن جانۋارلاردى اتاۋعا بولادى.
ماسك شامامەن ءبىر ايدان كەيىن پريماتتاردىڭ ۆيدەو ويىندار ويناعان ۆيدەوسىن كورسەتەمىن دەپ ۋادە بەردى.
ايتا كەتەيىك، يلون ماسك ادامداردى چيپتەۋ ءۇشىن جاسالعان ارنايى قۇرىلعىنى ۇسىنعان.
جاقىندا يلون ماسك مارس ءۇشىن بۇكىل دۇنيە- مۇلكىن ساتۋعا شەشىم قابىلدادى. ينجەنەر مۇنداي قادام مارستا اۆتونومدى قالا سالۋ نيەتىنىڭ ماڭىزدىلىعىن كۇشەيتەدى دەپ سانايدى.
