تۇركى كەڭەسىنىڭ سامميتىنە دايىندىق بارىسى تالقىلاندى

نۇر- سۇلتان. قازاقپارات - قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى تۇركى تىلدەس مەملەكەتتەردىڭ ىنتىماقتاستىق كەڭەسىنىڭ (تۇركى كەڭەسى) باس حاتشىسى باعداد امىرەيەۆپەن كەلىسسوزدەر وتكىزدى، دەپ حابارلايدى ق ر س ءى م باسپا ءسوز قىزمەتى.

كەزدەسۋ بارىسىندا تۇركى كەڭەسىنىڭ كۇن تارتىبىندەگى وزەكتى ماسەلەلەر قاراستىرىلىپ، ونىڭ 2021 -جىلى تۇركىستاندا ءوتۋى جوسپارلانعان بەيرەسمي سامميتىنە دايىندىق جۇمىستارى تالقىلاندى.

تۇركى كەڭەسى قازاقستان رەسپۋبليكاسىنىڭ تۇڭعىش پرەزيدەنتى - ەلباسى، تۇركى كەڭەسىنىڭ قۇرمەتتى ءتوراعاسى نۇرسۇلتان نازاربايەۆتىڭ باستاماسىمەن 2009-جىلى 3 -قازاندا قۇرىلدى. حالىقارالىق ۇيىمنىڭ شتاب- پاتەرى ىستانبۇل قالاسىندا ورنالاسقان. ۇيىمنىڭ مۇشەلەرى قازاقستان، ازەربايجان، قىرعىزستان، تۇركيا، وزبەكستان، ال ماجارستان باقىلاۋشى مارتەبەسىنە يە.