دميتري مەدۆەديەۆ كوروناۆيرۋسقا قارسى ەكپە جاساتتى

«مەن ەكى اي بۇرىن رەسەيلىك ۆاكسينالاردىڭ ءبىرىن الدىم»، - دەدى دميتريي مەدۆەديەۆ رەسەيلىك ب ا ق- قا بەرگەن سۇحباتىندا. ول بەلگىلى ءبىر پرەپاراتتى «قانداي دا ءبىر ۆاكسينا باسقاسىنان جاقسى دەگەن سەزىم بولماس ءۇشىن» اتىن اتامايتىنىن ءتۇسىندىردى. «ۆاكسيناتسيانىڭ ءبىراز اۋرەسى بار: قان تاپسىرۋ كەرەك، دەنەڭىزدىڭ قانداي كۇيدە ەكەنىن جانە يممۋندىق جاعدايىڭىزدى ءبىلۋىڭىز كەرەك (بۇل جاسقا بايلانىستى، جىنىسىنا بايلانىستى، وكىنىشكە وراي، ەر ادامدارعا بۇل كوروناۆيرۋس ينفەكسياسى اۋىر تيەدى)»، - دەدى كەڭەس ءتوراعاسىنىڭ ورىنباسارى.

«ءبىزدىڭ بارلىق ۆاكسينالارىمىز ءتيىمدى جانە قابىلەتتى»، - دەدى مەدۆەديەۆ. ول ۆاكسيناتسيانىڭ قالاي وتكەندىگى تۋرالى كەيبىر مالىمەتتەرمەن ءبولىستى.

«وتە تىنىش. سالدارسىز»، - دەدى قاۋىپسىزدىك كەڭەسى ءتوراعاسىنىڭ ورىنباسارى.

ەستەرىڭىزگە سالا كەتەيىك، بۇگىن، 1- اقپاندا قازاقستاندا كوروناۆيرۋسقا قارسى جاپپاي ۆاكسيناتسيا باستالدى. العاشقى بولىپ قازاقستاننىڭ مەملەكەتتىك سانيتارلىق دارىگەرى ەرلان قياسوۆ پەن دەنساۋلىق ساقتاۋ ۆيتسە- ءمينيسترى اجار عينيات ەگىلدى. اجار گينيات ۆاكسينا ۆيرۋسقا قارسى العاشقى قورعانىس قۇرالى ەكەنىن ايتتى. قازاقستاننىڭ باس مەملەكەتتىك سانيتارلىق دارىگەرى ەرلان قياسوۆ قازاقستاندىقتاردىڭ % 50- دان استامىن لوكداۋندارسىز ومىرگە ورالۋ ءۇشىن ەگۋ قاجەت ەكەنىن ءتۇسىندىردى.

اۆتور: گۇلزات اقجولوۆا