جانداربەك بەكشين كوروناۆيرۋسقا قارسى ۆاكسينا سالدىردى
قالا اكىمىنىڭ ورىنباسارى ەرجان باباقۇماروۆ، الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين جانە قالالىق دەنساۋلىق ساقتاۋ باسقارماسىنىڭ باستىعى ناريمان تابىنبايەۆ العاشقىلاردىڭ ءبىرى بولىپ كوروناۆيرۋسقا قارسى سپۋتنيك V ۆاكسيناسىن سالدىردى.
«مەن مۇلدەم ۋايىمداپ تۇرعانىم جوق. سەبەبى اتالعان ۆاكسينا قاۋىپسىزدىكتىڭ ءبىرىنشى كەزەڭىنەن ءساتتى ءوتتى. رەسەيدە ەكى ميلليوننان استام ادام ۆاكسينالاندى. سوندىقتان، الاڭداۋشىلىق جوق. بۇل ۆاكسينانىڭ ساپاسىنا، تيىمدىلىگىنە ەش كۇمان كەلتىرمەيمىن»، - دەدى جاداربەك بەكشين ۆاكسيناتسيا الدىندا.
سونىمەن قاتار، ول قازاقستاندىق ۆاكسينا QazCovid-In كلينيكالىق سىناقتاردىڭ تاعى ءبىر كەزەڭىنەن ءوتىپ جاتقانىن ايتتى.
ەسكە سالايىق، ءبىرىنشى كەزەڭىندە ۆاكسينا ينفەكسيالىق اۋرۋلاردىڭ جەدەل مەديتسينالىق كومەك، جانساقتاۋ، قابىلداۋ بولىمشەسىنىڭ قىزمەتكەرلەرى مەن سانيتارلىق ەپيدەميولوگيا قىزمەتكەرلەرىنە سالىنادى. ەكىنشى كەزەڭدە جالپى ءبىلىم بەرەتىن مەكتەپ، جوعارى جانە ارناۋلى ورتا ءبىلىم بەرەتىن وقۋ ورىندارىنىڭ مۇعالىمدەرى، مەديتسينالىق قىزمەتكەرلەرگە ەگىلەدى. ءۇشىنشى كەزەڭ 1 -ساۋىردەن باستالادى. ول كەزدە مەكتەپ، ينتەرنات مۇعالىمدەرى، مەكتەپكە دەيىنگى مەكەمە قىزمەتكەرلەرى، ستۋدەنتتەر مەن سوزىلمالى اۋرۋى بار ناۋقاستار قامتىلادى.
ايتا كەتەيىك، رەسەيدە دايىندالعان سپۋتنيك V ۆاكسيناسىنىڭ 2050 دوزاسى كەشە الماتىعا جەتكىزىلگەن بولاتىن. الماتى قالاسى اكىمىنىڭ ورىنباسارى ەرجان باباقۇماروۆ حالىقتى يممۋنداۋدىڭ ماڭىزدىلىعىن اتاپ ءوتتى.
«ۆاكسيناتسيا - بۇل پاندەميامەن كۇرەستەگى شەشۋشى قادام. بۇگىن مەن ونىڭ ماڭىزدىلىعىن، قاۋىپسىزدىگىن كورسەتۋ ءۇشىن ۆاكسينانى قابىلدادىم. جاقىندا ءوزىمىزدىڭ وتاندىق ۆاكسينا ەگۋگە دايىن بولادى. ءبىز عالىمدارعا سەنەمىز. سوندىقتان مەن قالا تۇرعىندارىنا - بارلىعىنا وسى قادامدى جاساۋعا كەڭەس بەرەمىن. ۆاكسينالاۋ ءجۇرىپ جاتقان كەزدە ءبىز ماسكا تاعۋدى، الەۋمەتتىك اراقاشىقتىقتى ساقتاۋدى جالعاستىرۋىمىز جانە ۆيرۋسپەن كۇرەسۋدىڭ باسقا شارالارىن قولدانۋعا ءتيىسپىز»، - دەدى ە. باباقۇماروۆ.
اۆتور: الما مۇقانوۆ
