ەلوردادا كوروناۆيرۋسكە قارسى ۆاكسينالاۋ قالاي جۇرگىزىلۋدە
«ەمحانانىڭ كىرەبەرىسىندە ەگۋ كابينەتىنە كورسەتىلگەن باعدارلار ورناتىلعان. تىركەۋ بولمەسىندە پاتسيەنتتى ۆاكسينا الۋ ءۇشىن دارىگەرگە جازالى جانە كۆي- عا قارسى ۆاكسينانى الۋ ءۇشىن ءىس- ارەكەت الگوريتمىن تۇسىندىرەدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، وسىدان كەيىن دارىگەر پاتسيەنتتىڭ دەنە قىزۋىن، سايۋراتسيا، جۇرەك قاعىسىنىڭ جيىلىگىن، قان قىسىمىن، تىنىس الۋ جانە جۇرەك قان- تامىرلارىنىڭ اۋسكۋلتاتسياسىن جانە تاماعىن تەكسەرەدى. سودان سوڭ ورتا مەديتسينالىق قىزمەتكەر پاتسيەنتتى كەزەكپەن ەمشارا بولمەسىنە شاقىرادى جانە ۆاكسيناتسيا جاسالادى.
«ۆاكسيناتسيادان كەيىن پاتسيەنتكە «ك ۆ ي- عا قارسى ۆاكسينا ەگىلدى. مەديتسينالىق باقىلاۋ ۋاقىتى - 30 مينۋت!» دەگەن بەيدج تاراتىلادى. مەديتسينالىق قىزمەتكەردىڭ باقىلاۋىمەن ەمحانانىڭ كۇتۋ زالىندا 30 مينۋت مىندەتتى تۇردە بولۋ قاجەتتىلىگى ەسكەرتىلەدى. ناۋقاس كۇتۋ زالىنا جىبەرىلەدى جانە 30 مينۋت كۇتەدى. 30 مينۋتتان كەيىن مەديتسينالىق مامان پاتسيەنتتىڭ دەنساۋلىق جاعدايىن باعالايدى جانە بەيدجدى قايتا الىپ، ونى ۇيىنە جىبەرەدى. ۋچاسكەلىك دارىگەر 3 كۇن ىشىندە ناۋقاسقا قاشىقتىقتان باقىلاۋ جۇرگىزەدى. 21-كۇنى پاتسيەنت ۆاكسينانىڭ 2-دوزاسىن الۋعا كەلەدى»، - دەدى تيمۋر مۇراتوۆ.
ايتا كەتەيىك، بۇگىن قازاقستاندا كوروناۆيرۋس ينفەكسياسىن جۇقتىرۋ جانە تاراتۋ تاۋەكەلى جوعارى ساناتتاردى كوروناۆيرۋسقا قارسى ۆاكسينالاۋ باستالدى. قازاقستاندا ۆاكسينا ەرىكتى تۇردە سالىنادى. ەلورداداعى №6-قالالىق ەمحانادا ق ر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتار دارىگەر ەرلان قياسوۆ پەن دەنساۋلىق ساقتاۋ ۆيتسە-ءمينيسترى اجار عينيات كوروناۆيرۋسقا قارسى ۆاكسينا سالدىردى.
