ىڭعايسىز ۇنسىزدىك تۋماس ءۇشىن

نۇر-سۇلتان. قازاقپارات - كەز كەلگەن اداممەن ءتىل تابىسىپ كەتۋ بار ادام قولىنان كەلە بەرمەيدى. كەيدە جاڭا كورىسكەن اداممەن قانداي تاقىرىپتا اڭگىمە قوزعاۋعا بولاتىنىن بىلمەي دال بولامىز.

بۇنداي جاعدايدا بارلىق ادامعا كومەكتەسەتىن ورتاق جانە نەگىزگى تاقىرىپتار بولادى. ىڭعايسىز ۇنسىزدىك تۋماس ءۇشىن قانداي سۇراقتار قويۋعا بولادى، بىرگە تالقىلايىق.

1. تۋعان جەرى تۋرالى

ادامدار وزدەرىنىڭ مەكەن-جايى، تەلەفون ءنومىرىن جاسىرعانىمەن وزدەرىنىڭ بالالىق شاعى وتكەن تۋعان جەرلەرى تۋرالى اشىلىپ ايتادى. «قاي جاقتان بولاسىز؟»، «سىزدەردە وسىنداي سالت بار دەپ ەستىدىم، شىن با؟» دەگەن سۇراقتار وعان سىزبەن ەش قىسىلماستان سويلەسۋىنە سەپتىگىن تيگىزەدى. ولار ءوز ايماقتارىنىڭ قىزىقتى جەرلەرىن، تابيعاتىن، اسحاناسىن، ساۋلەت ونەرىن دە ايتىپ بەرەدى. مۇمكىن، جەرلەس بولىپ، ورتاق تاقىرىپ تا تابىلىپ قالار.

2. بالالارى مەن ءۇي جانۋارلارى تۋرالى

ەگەر ونىڭ بالاسى بار ەكەنىن بىلسەڭىز، بالا تاقىرىبى — بايلانىستىراتىن جانە ورتاق تىلدەسۋگە بولاتىن تاقىرىپ. ءسىز سۇراقتى اياقتاماي تۇرىپ-اق، ول بالالارىن كورسەتۋ ءۇشىن بىردەن ۇيالى تەلەفونىن اقتارا باستادى. بالانىڭ ءار ءىسىن اتا-انا ماقتانىشپەن ايتادى. ونىمەن بۇل تاقىرىپتا سويلەسىپ، وعان اشىلۋعا كومەكتەسەسىز. ەگەر بۇل تاقىرىپتى كوتەرۋدىڭ قاجەتى جوق دەپ بىلسەڭىز، ءۇي جانۋارلارى تۋرالى سويلەسىپ كورىڭىز. مۇمكىن، سىزگە كەڭەس تە بەرىپ قالار.

3. وقۋى، جۇمىسى تۋرالى

ادامدار وزدەرى تۋرالى ايتقاندى جاقسى كورەدى. سوندىقتان ونىڭ قانداي ەلدەردە بولعانىن، قانداي ىسپەن اينالىسقانىن جانە باسىنان كەشىرگەن قىزىقتى ساتتەر تۋرالى سۇراساڭىز ارتىق ەتپەيدى. كوبىنە وي ەكىگە بولىنبەيتىن، ورتاق تاقىرىپتاردا تىلدەسكەنىڭىز ءجون. وقۋ ورنىن سۇراساڭىز دا بولادى.

massaget.kz