ديماش قۇدايبەرگەننىڭ جاڭا بەينەكليپى جارىققا شىقتى

نۇر-سۇلتان. قازاقپارات - قازاقستاندىق ءانشى ديماش قۇدايبەرگەننىڭ جاڭا بەينەبايانى جارىق كوردى، دەپ حابارلايدى قازاقپارات.

بۇل جايىندا ءانشىنىڭ ءوزى Instagram پاراقشاسىندا ءمالىم ەتتى. «DimashAly « شىعارماشىلىق ورتالىعى ديماش قۇدايبەرگەننىڭ «Golden» كومپوزيتسياسىنا تۇسىرىلگەن كليپتى Youtube جەلىسىندە جاريالادى.

رەجيسسەرى - ولجاس بايالبايەۆ، ال وپەراتور - ازامات دۋلاتوۆ. شىققانىنا ەندى ءبىر ساعات بولعان ۆيدەوكليپتى 85 مىڭ كورەرمەن تاماشالاپ ۇلگەرگەن.

ەسكە سالا كەتەيىك، تاياۋدا ديماش قۇدايبەرگەن TIXR امەريكالىق ستريمينگ-پلاتفورمادا ونلاين- كونسەرت وتكىزگەن بولاتىن. كونسەرتتى 100 ەلدەگى جانكۇيەر تاماشالادى.

كوپتەگەن فاناتتىڭ وتىنىشىنە بايلانىستى اتالمىش شوۋ 31 - قاڭتار كۇنى نۇر-سۇلتان ۋاقىتىمەن 20:00 دە قايتادان كورسەتىلدى. ديماش ونەرسۇيەر قاۋىممەن تىكەلەي ەفيردى وسى كورسەتىلىمنەن كەيىن وتكىزۋدى جوسپارلاپ وتىر. سونداي-اق ول بۇعان دەيىن «Golden» انىنە تۇسىرىلگەن جاڭا بەينەبايانى شىعاتىنىن ايتقان بولاتىن.