ءبىر قامشىمدى جىلقى بەرىپ ساتىپ الدى - اقتوبەلىك شەبەر
مۇعالجار اۋدانىنىڭ تالدىساي اۋىلىندا ءتورت تۇلىك باعىپ وتىرعان كاسىپكەر ۇلتتىق قولونەر شەبەرى اتانعان. اۋىلدا قامشى ءورىپ، جاسايتىندار نەكەن- ساياق. سوندىقتان بولار ءباتيحان تاۋمانوۆتى تانيتىندار ونىڭ شەبەرلىگىنە ءتانتى بولىپ، ءجيى تاپسىرىس بەرەدى.
«قامشى ءورۋدى اكەمىز ۇيرەتتى. بالالارىمدى جانىما الىپ، ولاردى دا قولونەرگە باۋلىدىم. قامشىنى دوستارىمىزعا سىيلايمىز. شىنىمدى ايتسام، ءبىزدىڭ اۋىلدا قامشى جاسايتىن ادام جوق. سۇرانىس كوپ، ءبىزدىڭ ۋاقىتىمىز از. ءبىر جولى ءبىر ادام جىلقى بەرىپ، ءبىر قامشىنى ساتىپ الدى. كاسىپكەرلەر دە قالاپ الادى»، - دەدى شارۋا ءباتيحان تاۋمانوۆ.
شارۋانىڭ ايتۋىنشا، اتادان بالاعا ميراس بولعان قامشى، شىبىرتقى وتباسىلىق جادىگەرگە اينالعان. قايىستى ءباتيحان تاۋمانوۆتىڭ اناسى دايىنداپ بەرەدى. جاسى 80 نەن اسقان كەيۋانا ءالى دە قايراتتى.
«قارا بيدايدان بىلامىق جاساپ، بوشكەگە قۇيامىز. بىلامىق اشيدى. تۇيەنىڭ تەرىسىن اشىمىققا سالىپ، 10-15 كۇن جىلى جەردە ۇستايمىز. تەرى تۇگەل باتۋى ءتيىس. اندا- ساندا ارالاستىرىپ قويامىز. كەيىن تەرى اعارادى. ايازدى كۇنى جىلى سۋعا شايىپ، دالاعا جايىپ تاستايمىز. ءبىر اپتادا ايازعا قاتىپ قالادى. بالالار ۋقالايدى، يكەمگە كەلتىرىپ يلەيدى، تاسپالاپ تىلەدى. ءسويتىپ قامشى ورەدى. قايىس دايىنداۋ ءادىسىن كەلىنىمە ۇيرەتتىم»، - دەدى زويا تاۋمانوۆا.
