19:10, 30 - قاڭتار 2021 | GMT +5
گۆينەيا شىعاناعىندا پيراتتار كەمەگە شابۋىل جاسادى
نۇر- سۇلتان. قازاقپارات - سەنبى كۇنى گۆينەيا شىعاناعىندا پيراتتار Rowayton Eagle جۇك كەمەسىنە شابۋىل جاساعان.
بۇل تۋرالى قازاقپارات تەڭىزدەگى قاۋىپسىزدىك ماسەلەلەرىمەن اينالىساتىن Dryad Global پورتالىنا سىلتەمە جاساپ حابارلايدى.
شابۋىل كەزىندە كەمە اككرادان (گانا) وڭتۇستىككە قاراي 200 تەڭىز ميلياسىندا ورنالاسقان. قۇرعاق جۇك تاسيتىن كەمەگە كوتەرىلگەن پيراتتار سانى تۋرالى دەرەك جوق. كەلىپ تۇسكەن مالىمەتتەرگە سايكەس، كەمەنىڭ ەكيپاجى ارنايى ورناتىلعان بولىمىندە جاسىرىنىپ ۇلگەرگەن. كەمە مارشالل ارالدارىنىڭ تۋىمەن ءجۇزىپ ءجۇر، ونى تىركەلىمگە سايكەس ا ق ش كومپانياسى باسقارادى.
