مەنني پاكياۋ رەسمي تۇردە الەم چەمپيونى تيتۋلىنان ايىرىلدى

نۇر- سۇلتان. قازاقپارات - فيليپپين ەلىنىڭ اتى اڭىزعا اينالعان بوكسشىسى مەنني پاكياو WBA Super نۇسقاسى بويىنشا جارتىلاي ورتا سالماقتاعى الەم چەمپيونى اتاعىنان ايىرىلىپ، «دەمالىستاعى چەمپيون» دارەجەسىنە ءوتتى.

بۇل تۋرالى قازاقپارات sports.kz سايتىنا سىلتەمە جاساپ حابارلايدى.

ال ونىڭ بەلبەۋى بۇرىن WBA Regular تيتۋلىنىڭ يەگەرى بولعان كۋبا بوكسشىسى يوردەنيس ۋگاسقا (26-4, 12 ك و) ءوتتى. ەسكە سالا كەتسەك، مەنني پاكياو سوڭعى رەت ءوز تيتۋلىن 2019 -جىلدىڭ 20-شىلدەسىندە قورعاعان. ول كەزدە بوكسشى امەريكاندىق سپورتشى كيت تۋرماننان باسىم تۇسكەن بولاتىن.