عالىمدار قۇلاقتىڭ شۋىلى نەدەن بولاتىنىن انىقتادى

نۇر-سۇلتان. قازاقپارت - قۇلاقتىڭ مەزگىل- مەزگىل شىڭىلداۋى دەنساۋلىقتىڭ اۋىر پروبلەمالارىن كورسەتە الادى. بۇل تۋرالى امەريكالىق عالىمدار حابارلادى.

قۇلاقتىڭ شىڭىلداۋى نەمەسە عىلىمي تىلمەن ايتقاندا تيننيتۋس جۇيكە جۇيەسىنىڭ دۇرىس جۇمىس ىستەۋىنەن، سونداي- اق ەريتروتسيتتەر مەن د ن ق جاسۋشالارىنىڭ ءوندىرىسى ءۇشىن جاۋاپ بەرەتىن B12 ءۆيتامينىنىڭ جەتىسپەۋشىلىگىن كورسەتەدى ەكەن.

سونىمەن قاتار، B12 جۇيكە جۇيەسى اينالاسىندا ارنايى قورعانىس قابىعىن جاساۋعا كومەكتەسەدى، ونسىز ولاردىڭ اراسىنداعى بايلانىس بۇزىلادى. بۇل قۇلاقتىڭ شىڭىلداۋىنا اكەلەدى.

عالىمدار قۇلاقتىڭ شۋىلىنا قارسى ارنايى ەمدەۋ ءادىسىن ءالى ويلاپ تاپقان جوق، ءبىراق بۇل ماسەلەنى ەمدەۋ ءۇشىن ءارتۇرلى ادىستەر قولدانىلادى. مىسالى، ءدارى- دارمەك تەراپياسى، فيزيوتەراپيا، رەفلەكسوتەراپيا جانە ەستۋ اپپاراتتارىن پايدالانادى.

سونىمەن قاتار، B12 دارۋمەنى شاشتى ءتۇسۋىنىڭ الدىن الىپ، قالىپتى تۇردە وسىرۋگە كومەكتەسەدى.