اقتوبەدە ماماندار گيپستى الماستىراتىن پلاستيكالىق تاڭعىش جاساپ شىعاردى
بۇل ءىستى ستۋدەنتتەر باستاعان. «وتكەن جىلى ستۋدەنتتەر جاڭا جوبانى قولعا الىپ، ىسكە اسىرۋ ءۇشىن ءتۇرلى ءادىستى قولداندى. الدىمەن جۇقا، جىڭىشكە لانگەت شىقتى. تەز سىنعىش دۇنيەنى قالىڭ ەتىپ، قايتا جاساتتى. ءبىراق قىسقا لانگەت دايىندالعان. ءسويتىپ ۇزىندىعى قايتا قارالدى. ءبىر جىلدىق ۋاقىتىمىز وسى جۇمىسقا كەتتى. D3- پرينتەر تراۆماتولوگيا بولىمشەسىندەگى ناۋقاستار ءۇشىن ىڭعايلى تاڭعىش جاساۋدىڭ جولى ءارى قاراي جالعاسادى. قولعا عانا ەمەس، اياققا دا سالۋعا بولادى. بالالار ءۇشىن ىڭعايلى بولادى»، - دەدى م. وسپانوۆ اتىنداعى باتىس قازاقستان مەديتسينالىق ۋنيۆەرسيتەتتىڭ وقىتۋشىسى، پراكتيكالىق داعدىلار ورتالىعىنىڭ قىزمەتكەرى الما ەلۋبايەۆا.
جۇگەرىدەن جاسالعان پلاستيك تاڭعىشتىڭ ءبىر داناسىن دايىنداۋ ءۇشىن 6-7 ساعات ۋاقىت قاجەت. گيپس سالماعى 1-1,5 كەلى بولسا، لانگەتتىڭ سالماعى 50 گرام.
«لانگەت گيپسكە قاراعاندا رەنتگەن وتكىزگىش. ءبىز بىرنەشە نۇسقاسىن دايىنداپ، كلينيكالىق سىنامادان وتكىزۋگە جىبەردىك. سودان كەيىن عانا دارىگەرلەر بىزگە قاي نۇسقانىڭ وڭتايلى ەكەندىگىن ايتادى. كەمشىن تۇسى وڭدەلىپ، قايتا تەكسەرىلەدى. ياعني، وتە ۇزاق پروتسەسس. بىرنەشە داناسى جاقىن ارادا جەرگىلىكتى اۋرۋحانالاردىڭ تراۆماتولوگيا بولىمشەسىنە بەرەمىز»، - دەدى م. وسپانوۆ اتىنداعى ب ق م ۋ وقىتۋشىسى، پراكتيكالىق داعدىلار ورتالىعىنىڭ باسشىسى ەربولات ىزتىلەۋوۆ.
اۆتور: التىناي ساعىندىقوۆا
