تايلاند ۆاكسينا سالدىرعان تۋريستەرگە شەكتەۋسىز جەڭىلدىك بەرەدى

مۇنداي ەرەجەلەردى ەل بيلىگى «تايلاندقا تاعى دا قوش كەلدىڭىز» ناۋقانى اياسىندا بەكىتەدى، - دەپ حابارلايدى Kaz.tengritravel.kz پورتالى Bangkok Jack باسىلىمىنا سىلتەمە جاساپ.

جاڭا باعدارلاما 2021 -جىلدىڭ ءۇشىنشى جارتىسىنان باستالادى. بۇل ەلگە تۋريستىك اعىمدى قالپىنا كەلتىرۋ ءۇشىن جاسالىپ وتىر. ساياحاتشىلار ۆاكسيناتسيانىڭ ەكى كەزەڭىنەن وتكەندىگى جونىندە قۇجات پەن تۇراقتى ۆيزانى كورسەتۋى قاجەت. ەگەر بۇل جوسپار جۇزەگە اسسا، تايلاند تۋريستەر ءۇشىن تولىق اشىلعان العاشقى ازيالىق ەل بولماق.

باسىلىم مالىمەتىنشە، پاندەميا كەزىندە تۋريستەردىڭ سانى 80 پايىزدان استامعا ازايىپ، جۇمىس ورىندارىنان ايىرىلعاندار سانى ميلليوننان استى. ەگەر تايلاندقا قوش كەلدىڭىز «ناۋقانى ءساتتى اياقتالسا، بۇل «تايلاندقا تاعى دا قوش كەلدىڭىز« ناۋقانى قوناقۇيلەر مەن ونىمەن بايلانىستى كاسىپورىنداردا 800000 جۇمىس ورنىن ساقتاۋعا كومەكتەسەدى.

تايلاندتىق تۋروپەراتورلار ىنتىماقتاستىقتى جاڭارتۋ جانە بولاشاق ساياحاتتارعا دايىندالۋ ءۇشىن الەۋەتتى نارىقتارداعى اگەنتتىكتەرمەن كەلىسسوزدەردى باستادى، - دەپ حابارلايدى تايلاند تۋريزم كەڭەسىنىڭ پرەزيدەنتى چامنان سريساۆات.

2020 -جىلى تايلاندقا 6,9 ميلليون شەتەلدىك كەلدى، بۇل 2019 -جىلى كەلگەن 40 ميلليون تۋريستتەن ايتارلىقتاي از. 2021 -جىلدىڭ ماۋسىم ايىنىڭ سوڭىنا دەيىن الەمدە ميللياردتان استام ادامعا ۆاكسينا ەگىلەدى، بۇل ساياحاتقا دەگەن سۇرانىستىڭ ارتۋىنا اكەلەرى انىق.