سادىر جاپاروۆ قىرعىزستان پرەزيدەنتى رەتىندە رەسمي تىركەلدى

وعان سايكەس، قىرعىزستاندا مەرزىمىنەن تىس پرەزيدەنت سايلاۋى ءوتتى دەپ تانىلدى.

قازاقپارات بۇل تۋرالى «كابار» اگەنتتىگىنە سىلتەمە جاساپ حابارلايدى.

ەلەكتورات تىزىمەن جالپى سانى 3563574 سايلاۋشى ەنگىزىلگەن. ونىڭ ىشىندە 10- قاڭتار كۇنى وتكەن پرەزيدەنت سايلاۋىنا 1395513 داۋىس بەرۋشى قاتىستى، ياعني %39,16. پرەزيدەنتتىككە ۇمىتكەر جاپاروۆ سادىر ەلەكتوراتتىڭ 1105248 داۋىسىنا نەمەسە بارلىق سايلاۋشىلاردىڭ %79,20 قولداۋىنا يە بولدى.

وزگە كانديداتتار: مادۋماروۆ اداحان - 94741 داۋىس (%6,79)، تولبايەۆ بابىرجان - 32979 داۋىس (%2,36)، ارستانبەك مىكتىبەك - 23583 داۋىس (%1,69)، سەگىزبايەۆ ابديل - 20335 داۋىس (%1,46)، تاشوۆ يماميدين - 16383 داۋىس (%1,17)، سوورونكۋلوۆا كلارا - 14005 داۋىس (%1,00) جينادى.

ايتا كەتەيىك، پرەزيدەنتتىككە بارلىعى 18 كانديدات ۇمىتكەر بولدى. سايلاۋ بيۋللەتەنىندەگى «بارلىعىنا قارسى» باعانىنا بەلگىنى داۋىس بەرۋشىلەردىڭ 18673^- ءى نەمەسە %1,34 قويعان.

«قىرعىزستاننىڭ سايلاۋ جانە رەفەرەندۋمدار وتكىزۋ جونىندەگى ورتالىق كوميسسياسى سايلاۋعا قاتىسقان بارلىق سايلاۋشىلاردىڭ %79,20 داۋىسىنا يە بولعان جاپاروۆ سادىر نۋرگوجويەۆيچتى قىرعىزستان پرەزيدەنتى رەتىندە تانىدى. ق ر وسك قاۋلىسىمەن جاپاروۆ سادىر نۋرگوجايەۆيچتى قىرعىزستان پرەزيدەنتى رەتىندە تىركەۋ، وعان ق ر پرەزيدەنتى رەتىندە سايلانۋى تۋرالى كۋالىكتى بەرۋ، ايىرىقشا بەلگىلەر - توسبەلگى مەن ونىڭ اتى-ءجونى جانە لاۋازىم مەرزىمى جازىلعان پرەزيدەنت شتاندارتىن (تۋىن) تاپسىرۋ بەلگىلەندى»، - دەلىنگەن اقپاراتتا.

ەسكە سالايىق، بيىلعى 10- قاڭتاردا قىرعىزستاندا مەرزىمىنەن بۇرىن پرەزيدەنت سايلاۋى ءوتتى.