ۆاكتسيناتسيا ىندەتكە قارسى كۇرەستە قالاي كومەكتەسەدى؟
ونىڭ ايتۋىشا، COVID-19 - ۆيرۋستىق ينفەكتسيا. سوندىقتان ۆاكتسينا كوروناۆيرۋس ينفەكتسياسىنا قارسى كۇرەستە جاعدايدى جاقسارتۋعا كومەكتەسەدى. سونىمەن قاتار، ءلاززات ومەشوۆا الەمدەگى ەپيدەميالىق جاعدايدىڭ ناشارلاۋى مەن كوروناۆيرۋس ينفەكتسياسىنىڭ جاڭا شتاممىنىڭ تارالۋى اياسىندا حالىقتى ك ۆ ي- گە قارسى ۆاكتسينالاۋدىڭ ماڭىزىن اتاپ ءوتتى.
«ۇلى بريتانيادا كوروناۆيرۋستىڭ جاڭا شتاممى بار، ول اگرەسسيۆتى تۇردە وتۋدە. ءبىزدىڭ ەلدەگى ۆيرۋس وسى دەڭگەيگە دەيىن مۋتاتسياعا ۇشىراي ما، جوق پا دەگەن سۇراققا جاۋاپ بەرۋگە قينالامىن، ءبىراق ءبىزدىڭ رەسپۋبليكامىزعا بۇل شتاممدى ەۋروپادان ءوز ازاماتتارىمىز اكەلۋى مۇمكىن، ويتكەنى قازىرگى كوروناۆيرۋسپەن دە باسىندا وسىنداي جاعداي بولعان»، - دەدى ول.
سونىمەن قاتار، ول الدىن الۋدىڭ نەگىزگى ەرەجەلەرىن ساقتاۋدى جالعاستىرۋ ماڭىزدى ەكەنىن تىلگە تيەك ەتتى.
قازىرگى ۋاقىتتا نەگىزگى الدىن الۋ شارالارى مىنانداي:
- ماسكا رەجيمى (دۇرىس كيۋ جانە اۋىستىرۋ رەجيمىن ساقتاۋ)؛
- قولدى ءجيى جۋۋ جانە دەزينفەكتسيالاۋ ارقىلى جەكە گيگيەنانى ساقتاۋ؛
- 1,5 مەتردەن كەم ەمەس قاشىقتىقتى ساقتاۋ؛
- ادام كوپ جينالاتىن جەرلەردەن اۋلاق بولۋ؛
- COVID-19 راستالعان ادامداردى وقشاۋلاۋ.
ساراپشىنىڭ سوزىنە سەنسەك، حالىقتى تۇماۋعا قارسى ۆاكتسيناتسيالاۋ شەشىمى ايتارلىقتاي ناتيجە بەردى.
«تۇماۋ - اۋىر رەسپيراتورلىق ۆيرۋستىق ينفەكتسيا، ول ينتوكسيكاتسيانىڭ ايقىن بەلگىلەرىمەن جۇرەدى، ال سوڭعى جىلدارى پاندەميالىق تۇماۋ جاعدايلارى تىركەلدى. بۇل دا اۋىر ۆيرۋستىق پنيەۆمونيانى تۋعىزادى. مەنىڭ ويىمشا، مەملەكەتتىڭ تۇماۋعا قارسى ۆاكتسيناتسياعا كوپ قاراجات بولگەنى دۇرىس بولدى. ەگەر ادامدار تۇماۋمەن قوسا كوروناۆيرۋسپەن دە اۋىرسا، نە بولار ەدى؟! ەلەستەتىپ كورىڭىزشى»، - دەدى ءلاززات ومەشوۆا.
ەسكە سالايىق، الماتى قالاسىنىڭ اكىمى باقىتجان ساعىنتايەۆتىڭ تاپسىرماسى بويىنشا تۇماۋ ۆيرۋسى تارالۋىنىڭ الدىن الۋ ءۇشىن جەرگىلىكتى بيۋجەتتەن تاۋەكەل توبىنداعى ادامداردى تەگىن ۆاكتسينالاۋ ءۇشىن «گريپپول پليۋس» ۆاكتسيناسىنىڭ 430000 دوزاسى ساتىپ الىنعان بولاتىن.