ءماجىلىس سپيكەرىنىڭ ورىنباسارلارى سايلاندى
ءماجىلىستىڭ جالپى وتىرىسى بارىسىندا نۇرلان نىعماتۋلين ءوزىنىڭ ورىنباسارلارى لاۋازىمىنا پاۆەل كازانسەۆ پەن بالايىم كەسەبايەۆا كانديداتۋراسىن ۇسىنىپ، ونى دەپۋتاتتار ءبىراۋىزدان قولدادى. «بالايىم تۋعانباي قىزى 6- شاقىرىلىم دەپۋتاتى بولعان، تاجىرىيبەسى مول بىلىكتى زاڭگەر. كوپ جىلدار بويى ادىلەت ورگاندارىندا قىزمەت اتقاردى. 6- شاقىرىلىمدا زاڭناما جانە سوت- قۇقىقتىق رەفورما كوميتەتىنىڭ مۇشەسى بولدى. زاڭ شىعارۋ قىزمەتىنە بەلسەندى قاتىسىپ، ءوزىنىڭ كاسىبي شەبەرلىگىن كورسەتتى»، - دەدى ءماجىلىس ءتوراعاسى.
نۇرلان نىعماتۋلين ەكىنشى ورىنباسارى پاۆەل كازانسەۆتىڭ جەرگىلىكتى اتقارۋشى ورگانداردا جۇمىس تاجىريبەسى مول ەكەندىگىن، 6- شاقىرىلعان پارلامەنت ءماجىلىسىنىڭ دەپۋتاتى بولعانىن اتاپ ءوتتى. ايتا كەتەيىك، بۇگىن پارلامەنت ءماجىلىسىنىڭ جالپى وتىرىسىندا نۇرلان نىعماتۋلين ءماجىلىس ءتوراعاسى لاۋازىمىنا دەپۋتاتتاردىڭ جاسىرىن داۋىس بەرۋى ناتيجەسىندە سايلانعان ەدى.
اۆتور: مارلان جيەمباي