توقايەۆ ەلىمىزدىڭ بولاشاعى نەمەن بايلانىستى ەكەنىن ايتتى
بۇل تۋرالى ق ر پرەزيدەنتى قاسىم-جومارت توقايەۆ جەتىنشى شاقىرىلىمداعى ق ر پارلامەنتىنىڭ ءبىرىنشى سەسسياسىندا ايتتى، دەپ حابارلايدى قازاقپارات ءتىلشىسى.
«مىقتى ينكليۋزيۆتى قوعام قۇرۋداعى باستى قۇرال - ءتيىمدى الەۋمەتتىك ساياسات بولىپ سانالادى. ادام دامۋى يندەكسىنىڭ كوپتەگەن كورسەتكىشتەرى بويىنشا ەلەۋلى پروگرەسكە قاراماستان، قازاقستان جەتەكشى ەلدەردەن ارتتا قالىپ وتىر. ادامي كاپيتالدىڭ جوعارى ساپاسى - قازاقستاندى قوسا العاندا، بارلىق مەملەكەتتەردىڭ ۇزاق مەرزىمدى باسەكەگە قابىلەتتىگىنىڭ نەگىزى. الەم ءبىلىم ەكونوميكاسىنا بەت بۇرىپ جاتىر. بۇل شىندىق»، - دەدى مەملەكەت باسشىسى.
پرەزيدەنتتىڭ ايتۋىنشا، قازىر تاۋەلسىزدىك ۇرپاقتارى سانى جاعىنان ەلىمىزدىڭ بارلىق ازاماتتارىنىڭ جارتىسىن قۇرايدى.
«قازىرگى بالالار مەن جاستار 2050 -جىلعا قاراي قازاقستاننىڭ ەڭبەك نارىعىن كورسەتەدى. ەلىمىزدىڭ بولاشاقتاعى ءال-اۋقاتى ءدال سولاردىڭ باسەكەگە قابىلەتتىگىنە بايلانىستى»، - دەپ اتاپ ءوتتى ق. توقايەۆ.
اۆتور: ايجان سەرىكجان قىزى