كرەشەنيە مەرەكەسىندە شومىلۋعا رۇقسات بەرىلە مە - باس سانيتار جاۋابى

نۇر- سۇلتان. قازاقپارات – ق ر دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتار دارىگەر ەرلان قياسوۆ پراۆوسلاۆ دىنىندەگى كرەشەنيە مەرەكەسىن وتكىزۋگە قاتىستى سۇراقتارعا جاۋاپ بەردى، دەپ حابارلايدى قازاقپارات ءتىلشىسى.

«ازىرگە جەكەلەگەن وڭىرلەردە جەرگىلىكتى سانيتارلىق قىزمەتتەردىڭ شەشىمىمەن شەكتەۋ شارالارى ەنگىزىلۋى مۇمكىن. ءبىراق جالپى رەسپۋبليكا بويىنشا سانيتارلىق- ەپيدەميولوگيالىق جاعدايى تۇراقتى جەرلەردە بۇل شارالارعا تىيىم سالىنباعان»، - دەپ جاۋاپ بەردى ەرلان قياسوۆ ورتالىق كوممۋنيكاتسيالار قىزمەتىندە وتكەن بريفينگتە.

سپيكەردىڭ ايتۋىنشا، جەرگىلىكتى ءوزىن- ءوزى باسقارۋ ورگاندارىنا كرەشەنيەدەگى سۋعا ءتۇسۋ ورىندارىن ءتيىستى تۇردە ازىرلەۋ تۋرالى حاتتار جىبەرىلگەن.

«ارينە مۇندا دا، شارا قاتىسۋشىلارى الەۋمەتتىك قاشىقتىق، جەكە قاۋىپسىزدىك سىندى تالاپتاردى ساقتاۋى ءتيىس»، - دەپ ءتۇسىندىردى باس سانيتارلىق دارىگەر.