مارات ءباشىموۆ: ۇلتتىق كەڭەس مۇشەلەرىنىڭ ماجىلىسكە بارعانىن قولدايمىن

«بۇل ءتىزىمنىڭ ماعان ۇناعان تۇسى - جاستاردىڭ ماجىلىسكە كوپتەپ كەلۋى. بۇرىنعى قۇرامداردا زەينەتكەرلەر، ەكى-ءۇش شاقىرىلىمدا دەپۋتات بولعاندار كوپ بولاتىن. ماجىلىستە وتىرعانىمەن ناقتى ماسەلە كوتەرمەيتىن ۇندەمەس دەپۋتاتتار دا بار ەدى. شىنىمدى ايتسام، سوندايلارعا كوڭىلىم تولمايتىن. ەندى قازىر قاراساڭىز، ەلگە تانىلعان ءبىرشاما جاستار بار ەكەن. تىزىمگە ازاماتتاردىڭ ءبىرازىنىڭ كىرگەنىن پوزيتيۆتى جاڭالىق رەتىندە قارسى الدىم. اسىرىسە ۇلتتىق كەڭەس مۇشەلەرىنىڭ ماجىلىسكە بارعانىن قولدايمىن. بەرىك ءابدىعالي ۇلى، ايدوس سارىم، ەرلان سايىروۆ قاتارلى ازاماتتاردىڭ ۇلتتىق كەڭەس قۇرامىندا دا ءبىرشاما ەڭبەك ەتكەنى بەلگىلى. 30 پايىزدىق كۆوتا جاعى دا ەسكەرىلىپ، جاستار مەن ايەلدەردىڭ ءماجىلىس قۇرامىندا بۇرىننان قاراعاندا كوبىرەك بولعانىن دا اتاپ ءوتۋ كەرەك»، - دەدى مارات ءباشىموۆ قازاقپارات تىلشىسىنە تەلەفون ارقىلى بىلدىرگەن پىكىرىندە.

ەسكە سالا كەتسەك بۇگىن «Nur Otan» پارتياسى ساياسي كەڭەسى بيۋروسىنىڭ شەشىمىمەن 76 كانديداتتان تۇراتىن ءتىزىم بەكىتىلگەن بولاتىن . دەپۋتاتتىققا كانديداتتاردىڭ 7 ءۋى عانا بۇرىنعى مەملەكەتتىك قىزمەتكەر، ياعني فراكسيا قۇرامىندا ولاردىڭ سانى %10 تەن اسپايدى.