بالقاش قالاسىنىڭ ءورت ءسوندىرۋشىسى «ەرلىگى ءۇشىن» مەدالىمەن ماراپاتتالدى
تۋعان جەرى بالقاشتا دا ونىڭ ەرلىگى جوعارى باعالاندى. ول «جىل پاتريوتى» دەپ تانىلىپ، وعان 100 مىڭ تەڭگە تابىستالدى، دەپ حابارلايدى قازاقپارات ءتىلشىسى.
بۇگىندە بالقاشتىڭ ءار تۇرعىنى راۋان مايكوتوۆ تۋرالى بىلەدى. 5- ءا و س ب اعا ءورت ءسوندىرۋشى- قۇتقارۋشىسى ورتەنىپ جاتقان پاتەردەن ەكى بالانى الىپ شىققان. ءورت بولعان كەزدە راۋان مايكوتوۆ دەمالىستا بولعان. ول جۇمىستارىمەن ءجۇرىپ، ساتبايەۆ شاعىناۋدانىنداعى ءۇيدىڭ الدىنان كوپشىلىكتى كوردى. ءۇشىنشى قاباتتاعى پاتەردىڭ تەرەزەسىنەن قويۋ ءتۇتىن شىعىپ جاتقان. ەڭ الدىمەن ازاماتتىق قورعاۋ سەرجانتى سيگنالدىڭ ءورت ءسوندىرۋ بولىمىنە تۇسكەنىنە كوز جەتكىزدى. سودان كەيىن ول پاتەردە ادامدار بار- جوعىن سۇرادى. كورشىلەر ءۇش جانە التى جاستاعى ەكى بالا بار ەكەنىن ايتقان. ءورت ءسوندىرۋشى كەلەسى
كىرەبەرىس ارقىلى ءۇشىنشى قاباتقا كوتەرىلدى. پاتەر يەسى راۋان مايكوتوۆتى بالكونعا جىبەرگەن. ءبىر قولىمەن قورشاۋدان ۇستاپ تۇرعان ەر ادام تەرەزەنى اشىپ، جانىپ جاتقان پاتەرگە كىرگەن. جاس جىگىت شوشىپ كەتكەن بالالاردى بالكونداعى كورشىسىنە تاپسىرعان. وسى ۋاقىتتا كەلگەن ءورت سوندىرۋشىلەر ءورتتى سوندىرە باستايدى.
«مەن بولمەنىڭ بۇرىشىندا ەكى بالانى كوردىم. ويلانۋعا ۋاقىت بولمادى، مەن نۇسقاۋلاردى اۆتوماتتى تۇردە ورىندادىم. ەكى بالانى قۇتقارۋعا كومەكتەسە العانىما قۋانىشتىمىن»، - دەيدى راۋان مايكوتوۆ.
