قازاقستاندا بالالاردى سەمىزدىكتەن قورعاۋ ءۇشىن قانداي شارالار قولعا الىندى؟

دەپۋتاتتاردىڭ بۇل ساۋالىنا ۇكىمەت باسشىسى اسقار مامين جاۋاپ بەردى.

«بالالار مەن جاس وسپىرىمدەردىڭ دەنساۋلىعىن نىعايتۋ جولىندا ۋاقتىلى ەسكەرتۋ، كومەك كورسەتۋ - قازاقستان رەسپۋبليكاسىنىڭ 2020-2025-جىلدارعا ارنالعان دەنساۋلىق ساقتاۋ سالاسىن دامىتۋ مەملەكەتتىك باعدارلاماسىنىڭ باسىمدىققا يە باعىتتارىنىڭ ءبىرى»، - دەپ جاۋاپ قاتتى اسقار مامين دەپۋتاتتاردىڭ ساۋالىنا.

ونىڭ ايتۋىنشا، بالالاردى سەمىزدىك دەرتىنەن قورعاۋ ءۇشىن 2025-جىلعا دەيىن مىناداي شارالار كوزدەلىپ وتىر:

- ترانسمايلى قىشقىلداردىڭ پايدالانۋعا تىيىم سالۋ؛

- بەلگىلى ءبىر ازىق-تۇلىك پەن تاعامدار قۇرامىنداعى قانت پەن تۇزعا شەكتەۋ قويۋ؛

- بالالارعا ارنالعان ترانسمايلى قىشقىل، تۇز بەن قانتى مول ازىق-تۇلىكتىڭ ماركەتينگىن تەلەۆيدەنيەدە جانە الەۋمەتتىك جەلىدە شەكتەۋ؛

- وندىرۋشىلەردى رەتسەپتۋرادا قاۋىپسىز ينگرەديەنتتەردى، ورگانيكالىق شيكىزاتتى وندىرۋگە ىنتالاندىرۋ؛

- ءبىلىم ۇيىمدارىندا، ازىق-تۇلىك بازارلارىندا، ساۋدا كاسىپورىندارىندا جانە قوعامدىق تاماقتانۋ ورىندارىندا جاڭا پىسكەن جەمىس-جيدەك پەن كوكونىس ساتىلاتىنداي جاعداي جاساۋ؛

- بالاباقشالار مەن مەكتەپتەردە ۇيلەسىمدى تاماقتانۋ جۇيەسىنىڭ ستاندارتىن ەنگىزۋ.

massaget.kz