نازاربايەۆ قازاقستاندىقتارعا تاعى دا ۇندەۋ جاسادى

ايتا كەتەيىك، مۇنىڭ الدىندا نازاربايەۆتىڭ ق ح ا دەپۋتاتتارىن سايلاۋدا داۋىس بەرگەنى حابارلانعان ەدى.

«قۇرمەتتى قازاقستاندىقتار! قازاقستان حالقى اسسامبلەياسىنا 25 جىل تولادى. تاۋەلسىزدىكتىڭ 30 جىلدىعىن بيىل اتاپ وتەمىز. وسى جىلدار ىشىندە ق ح ا قازاقستاننىڭ بارلىق ۆەدومستۆولىق، ءدىني كونفەسسياسىن بىرىكتىرۋدىڭ بىرەگەي ورگانى رەتىندە بارلىق ادامدى بىرلىككە، تولەرانتتىلىققا، ءبىر- بىرىنە دەگەن سەنىمگە، ءبىزدىڭ ورتاق بولاشاعىمىز ءۇشىن بىرىگۋگە شاقىرادى. وسىنداي بىرلىكتىڭ، ءبىر-بىرىمىزگە دەگەن سەنىمنىڭ ارقاسىندا ءبىز ەلدە تۇراقتىلىق پەن سابىرلىلىقتى ساقتايمىز، سونىڭ ارقاسىندا ەل دامىپ كەلەدى. سوندىقتان دا ءبىز وسى جىلدار ىشىندە مەملەكەتتىڭ نەگىزى مەن ىرگەتاسىن قالادىق. ال بۇل ىرگەتاستى ودان ءارى سالۋعا بولادى.

بيىل پاندەمياعا بايلانىستى قيىن جاعدايعا تاپ بولدىق، ءبىراق بۇل قازاقستان باستان كەشىپ وتىرعان العاشقى داعدارىس ەمەس. مەنىڭ ويىمشا، ءبىز مۇنى سىزبەن بىرگە جەڭەمىز. بۇگىن ءبىز داۋىس بەرگەن ءماجىلىس دەپۋتاتتىعىنا توعىز كانديدات - قازاقستاندا تۇراتىن ءتۇرلى ەتنوستاردىڭ، ءبىزدىڭ ازاماتتارىمىزدىڭ ءارتۇرلى ۇلتتارىنىڭ وكىلدەرى. ولار زاڭنامانى قامتاماسىز ەتەدى، ءار ادامنىڭ قۇقىقتارى مەن بوستاندىقتارىن قامتاماسىز ەتەدى، مادەنيەتتى، تاريحتى قورعايدى، ياعني قالىپتى ءومىردى، قالىپتى دامۋدى، بارلىق ەتنوس پەن ءدىني بىرلەستىكتەر اراسىنداعى قالىپتى قارىم-قاتىناستى قامتاماسىز ەتەدى»، - دەدى نۇرسۇلتان نازاربايەۆ.

ەلىمىزدىڭ تۇڭعىش پرەزيدەنتى قازاقستان حالقى اسسامبلەياسى پوستكەڭەستىك كەڭىستىكتەگى باسقا مەملەكەتتەر ءۇشىن ۇلگى بولعانىن اتاپ ءوتتى.