تۇركيا مەن پاكىستان بىرلەسىپ تاريحي سەريال تۇسىرەدى

بۇل تۋرالى پاكىستان پرەمەر- ءمينيسترى يمران حاننىڭ اكىمشىلىگىنەن ءمالىم ەتتى، دەپ حابارلايدى قازاقپارات اندولى اگەنتتىگىنە سىلتەمە جاساپ.

پاكىستان ۇكىمەتىنىڭ باسشىسى يسلامابادتا Tekden Film پروديۋسەر كومپانياسىنىڭ باسقارما ءتوراعاسى كەمال تەكدەن باستاعان دەلەگاتسيانى قابىلدادى.

«Türk Lala» اتتى جاڭا تاريحي تەلەحيكايا ءتۇسىرۋ جوباسى تالقىلاندى. ول بالقان سوعىسىنا قاتىسقانى ءۇندى تۇبەگىنىڭ مۇسىلماندارى (1912-1913 ج ج.) تۋرالى بولماق. كاشميردىڭ پارلامەنت كوميتەتىنىڭ باسشىسى شاحريار افريدي بەلگىلى كوماندير ابدۋرراحمان پەشاۆەري Türk Lala اتالعانىن، بۇل «تۇركى باۋىر» دەگەندى بىلدىرەتىنىن ايتتى. كاشمير تۋماسى ابدۋرراحمان پەشاۆەري قيىن كەزدەردە تۇركياعا كەلىپ قولداۋ كورسەتكەن. كابۋلداعى تۇركيانىڭ العاشقى ەلشىسى، انادولى اگەنتتىگىنىڭ العاشقى ءتىلشىسى پەشاۆەري چاناككالاداعى سوعىستا ەرلىك كورسەتكەن. پاكىستاننىڭ پرەمەرى ەلدە Tekden Film كومپانياسىنىڭ «ەرتۇعىرىل» سەريالى تانىمال ەكەنىن ايتىپ، تابىسقا قول جەتكىزگەنى ءۇشىن قۇتتىقتادى.