«اق جول» پارتياسىنىڭ ءتوراعاسى ساياسي ۇيىمدى قولداعاندارعا العىس ءبىلدىردى
«اق جول» پارتياسىنىڭ ءتوراعاسى ساياسي ۇيىمدى قولداعان وتانداستارىنا العىس ءبىلدىردى. ونىڭ ايتۋىنشا، بيىلعى ناۋقان قاۋىپتى ىندەتپەن تۇسپا- تۇس كەلدى. سوعان قاراماستان بارلىق سانيتارلىق تالاپى ساقتاي وتىرىپ، سايلاۋ ۇيىمداستىرىلدى. بۇل تاجىريبە ەندى الداعى ۋاقىتتا كادەگە جاراپ، ەلىمىزدىڭ دامۋىنا سەپتىگىن تيگىزەدى دەپ سەنىم ءبىلدىردى پارتيا ءتوراعاسى.
«مەنىڭشە, ءبىزدىڭ پارتيالارىمىز، ءبىزدىڭ سايلاۋشىلارىمىز وزدەرى ءۇشىن وتە جاقسى تاجىريبە جينادى. ول تاجىريبە ارى قاراي دا ەلىمىزدىڭ دامۋىنا، ەلىمىزدىڭ دەموكراتيالاندىرۋىنا وتە پايدالى، وزەكتى بولادى دەپ ويلايمىن. سوعان سەنىمدىمىز جانە دە مەن بارشا «اق جول» پارتياسىنا داۋىس بەرگەندەرگە العىس بىلدىرگىم كەلەدى. ءبىز پارتيامىزعا كورسەتكەن سەنىمدى اقتاۋعا تىرىسامىز»، - دەدى ازات پەرۋاشيەۆ.
