پارلامەنتكە نەعۇرلىم كوپ پارتيا كىرسە، ەل بولاشاعى ءۇشىن سوعۇرلىم جاقسى - ق ر پرەزيدەنتى
مۇنداي پىكىردى بۇگىن ق ر پرەزيدەنتى قاسىم-جومارت توقايەۆ ءبىلدىردى، دەپ حابارلايدى قازاقپارات ءتىلشىسى.
«بۇگىن ەلىمىز ءۇشىن، حالقىمىز ءۇشىن وتە ەرەكشە كۇن. سەبەبى سايلاۋ دەگەن كەز كەلگەن ەلدىڭ ومىرىندەگى وتە ماڭىزدى وقيعا. ءبىز ءبارىمىز ۇلت بولىپ، حالىق بولىپ بۇگىن داۋىس بەرىپ جاتىرمىز. بۇل سايلاۋ ءبىزدىڭ حالقىمىزدىڭ ودان ارى دامۋىنا ۇلكەن سەرپىن بەرەدى دەپ ويلايمىن. جالپى پارلامەنتكە نەعۇرلىم كوپ پارتيا كىرسە، ەلىمىزدىڭ بولاشاعى ءۇشىن سوعۇرلىم جاقسى بولادى دەپ ۇمىتتەنەمىن»، - دەدى مەملەكەت باشىسى ەلورداداعى وقۋشىلار سارايىندا ورنالاسقان 58№ سايلاۋ ۋچاسكەسىندە داۋىس بەرگەننەن كەيىن ب ا ق وكىلدەرىنە بەرگەن سۇحباتىندا.
سوندىقتان ق ر پرەزيدەنتى بۇگىنگى سايلاۋ جاقسى ءارى ءادىل وتەدى دەپ ويلايتىندىعىن باسا ايتتى.
«تاعى ءبىر ەڭ ماڭىزدى ماسەلە، پارلامەنتتىڭ نەگىزگى مىندەتتى - ساپالى تۇردە زاڭداردى قابىلداۋ. قازاقستان ءۇشىن ساپالى زاڭناما جۇيەسى كەرەك. ءبىزدىڭ ەلىمىزدە ساپالى زاڭناما جۇيەسى بولسا، بۇل ەلىمىزگە دە، حالقىمىزعا دا ۇلكەن- ۇلكەن جاردەم بولار ەدى. ساپالى زاڭدار بولماسا، كەمشىلىكتەر كوپ بولادى. سوندىقتان ءبارىمىز وسى مۇمكىندىكتى پايدالانىپ، داۋىس بەرۋمىز كەرەك»، - دەدى قاسىم-جومارت توقايەۆ.
