يلون ماسك الەمدەگى ەڭ باي ادام اتاندى

سوڭعى مالىمەتتەرگە سايكەس، Tesla جانە SpaceX باس ديرەكتورىنىڭ بايلىعى 188,5 ميلليارد دوللار، ال بەزوستا ودان ءبىر جارىم ميللياردقا ازداۋ قارجى بار. Amayon باسشىسىن وزىپ كەتۋگە Tesla اكسيالارىنىڭ قور بيرجالارىندا شامامەن %5 ءوسۋى سەپ بولدى. سوڭعى جىلدا ماسكتىڭ قارجىسى $150 ميللياردقا وسكەن، 2020 -جىلدىڭ قاڭتارىندا Bloomberg رەيتينگىندە بيزنەسمەن 35-ورىندا بولعان. الايدا تۇراقتى تابىس پەن SP 500 يندەكسىنە ارتۋىىنڭ ارقاسىندا 2020 -جىلى Tesla اكسيالارى %743 عا ءوسىپ، ماسك 150 ميللياردتان استام دوللارعا تابىس تاپتى. سونداي- اق 2020 -جىلدىڭ قاراشا ايىنىڭ سوڭىندا ول Microsoft كورپوراتسياسىنىڭ نەگىزىن قالاۋشى بيلل گەيتستەن وزىپ، اتالعان رەيتينگىدە ەكىنشى ورىنعا شىقتى.

ماسك بۇل جاڭالىقتى ەش ەموتسياسىز قابىلدادى: « قىزىق ەكەن. جارايدى، ودان دا جۇمىسقا كىرىسەيىك»، - دەپ جازدى ول Twitter پاراقشاسىندا.

بەزوس الەمنىڭ ەڭ باي ادامى اتاعىن 2017 -جىلدان بەرى يەلەنىپ كەلەدى. ونىڭ داۋلەتى 184 ميلليارد دوللارعا باعالانادى. Forbes جانە Bloomberg Billionaires Index رەسمي رەيتينگىلەرى ءالى جاڭارتىلماعان، ويتكەنى قور بيرجالارىنداعى ساۋدا- ساتتىق ءالى جالعاسۋدا.