ۆاشينگتونتاعى تارتىپسىزدىكتەردەن كەيىن كونگرەسس جۇمىسىن جالعاستىردى

اقپارعا قاراعاندا، زاڭ شىعارۋشى ورگاندا قاراشا ايىندا وتكەن سايلاۋ قورىتىندىسىن تالقىلاۋ ءالى ءجۇرىپ جاتىر. سەنات پەن وكىلدەر پلاتاسى اريزونا شتاتىنداعى سايلاۋ ناتيجەسىن قايتا قاراۋ تۋرالى شاعىمدى باسىم داۋىسپەن قابىلداماي تاستادى. ال شاھاردا ەنگىزىلگەن كومەندانتتىق ساعات قاڭتاردىڭ 20-ىنا دەيىن ۇزارتىلدى. كاپيتوليي جوتاسىن ۇلتتىق گۆارديا قورعاپ تۇر.

ەسكە سالا كەتەيىك، بۇگىن ا ق ش استاناسى ۆاشينگتوندا جاپپاي تولقۋ باستالدى . قالادا توتەنشە جاعداي جاريالاندى. كونگرەسستىڭ سەنات جانە وكىلدەر پالاتاسىنىڭ بىرىككەن وتىرىسىندا 50 شتاتتىڭ اتىنان كەلگەن داۋىس بەرۋشىلەر القاسى پرەزيدەنتتىك سايلاۋدىڭ قورىتىندىسىن جاريالاۋ كەرەك بولاتىن. الايدا دونالد ترامپتىڭ سايلاۋ قورىتىندىسىمەن كەلىسپەگەن مىڭداعان جاقتاۋشىلارى كاپيتوليگە بەت الىپ، عيماراتتى باسىپ الدى. ناتيجەسىندە داۋىستاردى ساناۋ توقتاتىلىپ، كونگرەسس مۇشەلەرى ەۆاكۋاتسيالاندى. ۆيردجينيا گۋبەرناتورى ۇلتتىق گۆارديانىڭ 200 اسكەرىن جۇمىلدىرۋدى تاپسىردى.

اشۋعا بۋلىققان جۇرت پەن پوليتسيا اراسىندا قاقتىعىس بولىپ، ءبىر ادامعا وق اتىلدى. جاراقات العاندار دا تىركەلدى. وسى ورايدا ا ق ش- تىڭ جاڭادان سايلانعان پرەزيدەنتى دجو بايدەن تارتىپسىزدىكتەرگە قاتىستى پىكىرىن ءبىلدىردى.

دجو بايدەن، جاڭادان سايلانعان پرەزيدەنت:

- كاپيتوليدە بولىپ جاتقان تارتىپسىزدىكتەر ا ق ش- تىڭ شىنايى كورىنىسى ەمەس. ءبىز وسىنشالىقتى تومەن دەڭگەيگە تۇسكەنىمىز بە؟ ءدال قازىر ءبىزدىڭ دەموكراتيامىز ءۇشىن قاۋىپ- قاتەر ءتونىپ تۇر. بۇل جاي عانا حاوس، بۇل قىلمىس. ءدال قازىر بىزگە بۇكىل الەم قاراپ وتىر. ءبىزدىڭ دەموكراتيامىز وسىنداي تومەن دەڭگەيگە جەتتى. ءبىراق ءبىز بۇل قيىندىقتان دا وتەمىز. ءبىزدىڭ كەلەسى ءتورت جىلداعى جۇمىسىمىز دا وسىعان باعىتتالادى.

ەستەرىڭىزگە سالايىق، اق ءۇيدىڭ قازىرگى باسشىسى دونالد ترامپ سايلاۋ قورىتىندىسىمەن كەلىسپەيتىندىگىن العا تارتىپ، ءوز جاقتاستارىن نارازىلىق شاراسىنا قاتىسۋعا شاقىرعان ەدى. الايدا بۇگىنگى تارتىپسىزدىكتەردىڭ شەكتەن شىعۋىنا بايلانىستى، حالىقتى اقىلعا كەلۋىنە شاقىردى.

دونالد ترامپ، ا ق ش پرەزيدەنتى:

- قۇرمەتتى وتانداستار، بۇل سايلاۋدىڭ ادىلەتسىز وتكەنى راس، ءبىراق ءدال قازىر بىزگە تىنىشتىق قاجەت. بىزگە بەيبىت ءومىر كەرەك. سول سەبەپتى بارلىقتارىڭىزدان سۇرايتىنىم، تارتىپسىزدىكتەردى دوعارىپ، ۇيلەرىڭىزگە قايتىڭىزدار. سىزدەردىڭ ءدال قازىر قانداي سەزىمدە ەكەندەرىڭىزدى بىلەمىن. ءبىراق تىرتىپسىزدىك ارقىلى ەشنارسە وزگەرمەيدى.

دەموكراتيالىق پارتيا وكىلدەرى دە ترامپ جاقتاستارىنىڭ باسسىزدىعىن سىنعا الىپ، تارتىپسىزدىكتەرگە اق ءۇي باسشىسىن كىنالادى. وكىلدەر پالاتاسىنىڭ مۇشەسى دەموكرات يلحان ومار ترامپقا يمپيچمەنت جاريالاۋدى ۇسىندى.

يلحان ومار، ا ق ش كونگرەسسىنىڭ مۇشەسى:

- مەن ترامپقا قارسى يمپيچمەنت جاريالاۋ ءۇشىن قۇجاتتاردى دايىنداپ جاتىرمىن. وكىلدەر پالاتاسى وعان سەنىمسىزدىك جاريالاپ، سەنات قىزمەتىنەن بوساتۋى ءتيىس. ءبىز وعان بۇل جوعارى لاۋازىمدا قالا بەرۋگە رۇقسات بەرمەۋىمىز كەرەك. بۇل ءبىزدىڭ مەملەكەتىمىزدىڭ قاۋىپسىزدىك ماسەلەسى.

ال سوڭعى اقپارعا قاراعاندا، كاپيتولييدەگى تارتىپسىزدىكتەر كەزىندە جاراقات العان ايەل اۋرۋحانادا كوز جۇمعان. ترامپ جاقتاستارىنىڭ كونگرەسستى العاشقى باسىپ الۋدان كەيىن عيمارات ماڭىن ۇلتتىق گۆارديا قورعاۋعا الىپ، ا ق ش استاناسىندا كومەندانتتىق ساعات ەنگىزىلگەن.

www.24.kz