بيىل الماتىدا بىرنەشە بازاردى جاڭعىرتۋ اياقتالادى

جەتىسۋ اۋدانى - الماتى قالاسىنىڭ ءىرى ونەركاسىپتىك اۋداندارىنىڭ ءبىرى. اۋداندا 941 كاسىپورىن بار. ونىڭ ىشىندە 37 ءىرى جانە ورتاشا كاسىپورىن جانە 904 شاعىن كاسىپورىن جۇمىس ىستەپ تۇر. ستاتيستيكا دەرەكتەرى بويىنشا 2020 -جىلى ونەركاسىپتىك ءونىم ءوندىرىسىنىڭ كولەمى 212,3 ميلليارد تەڭگە بولدى. 2020 -جىلى بولشەك ساۋدا كولەمى 743,7 ميلليارد تەڭگە، كوتەرمە ساۋدا كولەمى 1 تريلليون تەڭگە بولعان. بىلتىرعىمەن سالىستىرعاندا جۇمىس ىستەپ تۇرعان ش و ب سۋبەكتىلەرىنىڭ سانى % 8,7 - عا ءوستى.

اكىمنىڭ ايتۋىنشا پاندەمياعا قاراماستان، نارىقتاردى جاڭعىرتۋ جانە يندۋستريالىق- يننوۆاتسيالىق جوبالاردىڭ ارقاسىندا 2020 -جىلدىڭ قورىتىندىسى بويىنشا نەگىزگى كاپيتالعا 45,8 ميلليارد تەڭگە ينۆەستيتسيا قۇيىلعان. «بيىل «راحات ك ز» بازارى مەن «الاتاۋ» بازارىنىڭ 4 بلوگىن جاڭعىرتۋدى اياقتاۋ، سونداي- اق «كەرەمەت» ساۋدا ءۇيىنىڭ قۇرىلىسىن اياقتاۋ جوسپارلانىپ وتىر. 3 جوبا ينۆەستيتسياسىنىڭ جالپى سوماسى 2,6 ميلليارد تەڭگە بولعان، 880 جاڭا جۇمىس ورنى اشىلادى»، - دەدى گۇلنار كوكەبايەۆا.

بيىل جالپى ينۆەستيتسيا سوماسى 1,3 ميلليارد تەڭگە بولاتىن، 150 جۇمىس ورنى بولاتىن «ۆيراج» اۆتوسالونىنىڭ قۇرىلىسىن اياقتاۋ كوزدەلگەن.

اۆتور: گۇلميرا عوسمانالي