ەلىمىزدىڭ ءبىرقاتار وڭىرىندە جارىقتىڭ وشۋىنە وزبەكستانداعى اقاۋ سەبەپ بولعان

« KEGOC « ا ق مالىمەتىنشە، 5-قاڭتار شامامەن ساعات 17:41-دە ورتالىق ازيانىڭ بىرىككەن ەنەرگيا جۇيەسى (ب ە ج) تاراپىنان (شامامەن 800 م ۆ ت) قۋاتتىڭ كۇرت ارتۋىنان قازاقستاننىڭ ءبىرتۇتاس ەلەكتر ەنەرگەتيكا جۇيەسىنىڭ (ب ە ج) سولتۇستىك- وڭتۇستىك ترانزيتىنىڭ قاتارلاس جۇمىسىنىڭ تۇراقتىلىعى بۇزىلعان. وسىعان بايلانىستى جابدىقتار زاقىمدانباس ءۇشىن اۆتوماتيكا ىسكە قوسىلىپ، قازاقستاننىڭ سولتۇستىك- وڭتۇستىك ءترانزيتىنىڭ 500 ك ۆ- تىق ءۇش اۋە جەلىسى جانە 220 كۆ- تىق ءبىر اۋە جەلىسى اجىراتىلدى. سالدارىنان قازاقستان ب ە ج-ى مەن ورتالىق ازيا ب ە ج- نىڭ وڭتۇستىك ايماعى جيىلىگى 48,31 گ س- كە دەيىن تومەندەپ، وقشاۋلانعان جۇمىسقا ءبولىندى. جەدەل دەرەكتەرگە سايكەس الماتى، جامبىل، قىزىلوردا، قاراعاندى جانە تۇركىستان وبلىستارى بويىنشا شەكتەۋ كولەمى 959 مۆت قۇرادى.

«KEGOC» ا ق قىزمەتكەرلەرىنىڭ جەدەل جۇمىسىنىڭ ارقاسىندا 17:51-دە قاراعاندى وبلىسى بويىنشا شەكتەۋلەردى الىپ تاستاۋعا كوماندا بەرىلدى، 17:58-دە وڭتۇستىك ايماق قازاقستان ب ە ج- مەن سينحروندالىپ، قازاقستان ەنەرگيا جۇيەسىنىڭ تۇتاستىعى قالپىنا كەلدى. ساعات 18.15-تە بارلىق شەكتەۋلەردى الىپ تاستاۋعا كوماندا بەرىلدى. بۇل جايتقا وزبەك ەنەرگەتيكالىق جۇيەسى سەبەپ بولىپ وتىر، وندا تاليماردجان گرەس- ىندە 450 م ۆ ت ەكى بۋ-گاز قوندىرعىسى اجىراتىلعان، سونىمەن قاتار ءبىرقاتار وزگە دە ەلەكتر ستانتسيالارىندا گەنەراتسيا تومەندەگەن.

اۆتور: اياۋلىم التىنبەك