مەنىڭ تۋىم، مەنىڭ وتانىم: اقمولا وبلىسى پاتريوتتىق اكسياعا ءۇن قوستى - ۆيدەو
الەۋمەتتىك جەلىدە تاراپ جاتقان بەينەجازبادان زەرەندى اۋدانى يگىلىك اۋىلىنىڭ ءبىر توپ قازاق جىگىتتەرى اقساقالدىڭ اق باتاسىن الىپ، سالت اتپەن ەلىمىزدىڭ كوك بايراعىن جەلبىرەتىپ كەلە جاتقانىن كورۋگە بولادى. سالت اتىلاردىڭ سوڭىنان ىلەسە جول تالعامايتىن كولىك كوك تۋمەن ءجۇرىپ كەلەدى. ال كەلەسى بەينەجازبادا قولىنا كوك تۋ ۇستاعان ساۋلە اۋىلىنىڭ جىگىتتەرى سايىن دالادا تۇلپارلارىن جوسىلتىپ، قۇمايىن جۇگىرتىپ كەلەدى.
«تاۋەلسىزدىكتىڭ 30 جىلدىعىنا ارنالعان «مەنىڭ تۋىم، مەنىڭ وتانىم» چەللەندجىن جالعاستىرامىز. كەڭاشى اۋىلى جولداعان چەللەندجدى ساۋلە اۋىلى قابىل الىپ، كورشىلەس قۇدىقاعاش اۋىلىنا تاپسىرامىز»، - دەيدى ساۋلە اۋىلىنىڭ جىگىتتەرى.
جەلى قولدانۋشىلارى دا اكسياعا قاتىسۋشىلارعا قولداۋ ءبىلدىرىپ، جىلى لەبىزىن جازدى. بۋراباي اۋدانىندا باستاۋ العان «مەنىڭ تۋىم، مەنىڭ وتانىم» پاتريوتتىق اكسياسىنا وبلىستىڭ ءبىرقاتار اۋداندارىنداعى اۋىلدار اتسالىسىپ جاتىر.
اۆتور: اسلان وسپانوۆ
