ەكولوگيا ءمينيسترى ەلوردا كوك تۇتىننەن قاشان ارىلاتىنىن ايتتى

«ءتۇتىن پروبلەماسىن شەشۋگە بولادى. ول ماسەلە ەڭسەرىلەتىنىنە سەنىمدىمىن. ول باعىتتاعى قاجەتتى دايىندىق جۇمىستارىنىڭ ءبارى جۇرگىزىلدى. ءتيىستى تەتىكتەر ازىرلەندى. ەلباسىنىڭ تاريحي شەشىمىنىڭ ارقاسىندا سارى ارقا گاز جەلىسى تارتىلدى. قازىردىڭ وزىندە ەلورداداعى ۇيلەر گازعا قوسىلىپ جاتقانىن بىلەسىزدەر»، - دەدى مينيستر.

ونىڭ ايتۋىنشا، مينيسترلىك بۇل ماسەلەنى ءاردايىم باقىلاۋدا ۇستاپ وتىر. قالادا قازىرگى تاڭدا 300 شاقىرىمعا جۋىق گاز تاراتۋ قۇبىرلارى تارتىلىپ قويعان.

«1 مىڭعا تارتا تەحنيكالىق شارتتار تاراتىلدى. مەرەكەلەردەن كەيىن بەلسەندى تۇردە ءبارىن ىسكە قوسا باستايمىز. قازىردىڭ وزىندە 300-گە جۋىق ۇيگە گاز قوسىلىپ قويعان. بىرنەشە مىڭ ءۇي تاعى تاپسىرىس بەردى. بۇگىنگە دەيىن تۇرعىندار كومىر ساتىپ الىپ قويعاندىقتان، ازىرگە سۇرانىس كەرەمەت دەپ ايتا المايمىن. ەكىنشىدەن، ج ە و- لار دا گازعا قوسىلۋدا. ءتورت قازاندىق گازعا قوسىلىپ قويدى. بيىل قالعان قازاندىقتار گازعا قوسىلادى. وسىلايشا، كەلەسى جىلىتۋ ماۋسىمىندا ءبىزدىڭ قالاداعى اۋا ەداۋىر تازارىپ قالۋى كەرەك»، - دەپ ءتۇيدى مينيستر.

اۆتور: ايان بەكەن ۇلى