نۇر وتان مەملەكەتتىك ءتىلدىڭ قولدانۋ اياسىن كەڭەيتەمىز دەپ ۋادە بەردى
جاڭا جىل مەرەكەسى كۇندەرى قالالىق ءماسليحات دەپۋتاتىنا كانديدات گۇلدەن يمانعاليەۆا مەن كيريل وسين 1986 -جىلعى جەلتوقسان وقيعاسىنا قاتىسۋشى گۇلجامال ورىنبايەۆانىڭ ۇيىنە باردى.
ەستەرىڭىزگە سالا كەتەيىك، گۇلجامال ورىن قىزى 1984-1988 -جىلدارى الماتىداعى قازاق قىزدار پەداگوگيكالىق ينستيتۋتىندا وقىعان.
جەلتوقساننىڭ قاتال كۇندەرىندە ول كوپتەگەن ستۋدەنتپەن بىرگە ءوز پىكىرىن ءبىلدىرۋ ءۇشىن الاڭعا شىقتى. بۇگىندە گۇلجامال ورىنبايەۆا 30 جىلدان استام ۇزدىكسىز ەڭبەك ءوتىلى بار پەداگوگ. وسى جىلدار ىشىندە ول اقتاۋ مەن وبلىستاعى وليمپيادالار مەن شىعارماشىلىق كونكۋرستاردىڭ كوپتەگەن جۇلدەگەرلەرىن تاربيەلەدى. الدىنا كەلگەن وقۋشىنى ءبىلىم نارىمەن سۋسىنداتىپ، ءتالىم- تاربيەسىن بەردى. كەزدەسۋ بارىسىندا ۇستاز ستۋدەنتتىك جىلدارى مەن ىزعارلى جەلتوقساننىڭ سول ءبىر اۋىر وقيعاسىن بايانداپ، بۇگىنگى بەيبىت زاماننىڭ قادىرىن تىلگە تيەك ەتتى.
پارتيا مەملەكەتتىك ءتىلدىڭ مارتەبەسىن كوتەرۋگە جانە قازاقستان حالىقتارىنىڭ ۇلتتىق سالت- داستۇرلەرىن قۇرمەتتەۋگە زور كوڭىل بولسە ەكەن دەگەن اماناتىن جەتكىزدى. شتاب مۇشەلەرى «Nur Otan» پارتياسىنىڭ قازىرگى قوعامنىڭ بىرەگەيلىگىن ايقىندايتىن مادەني جانە رۋحاني قۇندىلىقتاردى ساقتاۋدى جانە كوبەيتۋدى قولدايتىنىن اتاپ ءوتتى.
«ءبىز ەلباسىنىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» باعدارلامالىق ماقالالارىن جۇزەگە اسىرۋ جۇمىسىن جالعاستىرامىز»، - دەپ اتاپ ءوتتى شتاب مۇشەلەرى.
بەيبىتشىلىك پەن كەلىسىمدى ساقتاۋ ءۇشىن پارتيا 2025 -جىلعا دەيىن كوپتەگەن مىندەت قويدى. ونىڭ ىشىندە مەملەكەتتىك ءتىلدى دارىپتەۋ، قولدانۋ اياسىن كەڭەيتۋ، قازاقستان حالقىنىڭ تىلدەرىن دامىتۋعا جاردەمدەسۋ. جىل سايىن اقتاۋدا 100 مادەني شارا وتكىزىلەدى. 2023 -جىلى 19 عا جۋىق اۋداندا تەاتر، كىتاپحانا جانە مۇراجاي قۇرىلىسى اياقتالادى.
«Nur Otan» پارتياسى ماڭعىستاۋ وبلىسى اقتاۋ قالاسىنىڭ سايلاۋ قورىنىڭ قاراجاتىنان تولەندى
