موڭعوليا شاعان مەرەكەسىن بيىل دا تويلامايدى

كەشە ەلدىڭ مينيسترلەر كابينەتىنىڭ وتىرىسىن قورىتىندىلاي كەلە، ۆيتسە-پرەمەر يا. سودبااتار بيىل كوروناۆيرۋستىڭ تارالۋىن ازايتۋ ءۇشىن اي كۇنتىزبەسى بويىنشا جاڭا جىل - شاعان ۇلتتىق مەرەكەسىن تويلاۋعا قاتىستى بارلىق قوعامدىق شارا توقتاتىلعانىن ايتتى.

«2019 -جىلعى جەلتوقسان ايىنىڭ سوڭىندا كورشى قىتايدا العاش رەت كوروناۆيرۋستىڭ جاڭا ءتۇرى SARS- CoV-2 پايدا بولىپ، ءورشۋىن ەسكەرە وتىرىپ، وتكەن جىلى ءبىر رەت «ساگاان سار» مەرەكەسى وتكىزىلمەدى جانە بۇل جولى دا ونى توقتاتۋ تۋرالى شەشىم قابىلداندى»، - دەپ اتاپ ءوتتى يا. سودبااتار.

شاعان - بۋدديستىك مەرەكە، اي كۇنتىزبەسى بويىنشا كوكتەمنىڭ باسى جانە جاڭا جىل بولىپ سانالادى.

«الەمدە Covid-19 پاندەمياسىنىڭ تارالۋىنا بايلانىستى كوپتەگەن ەۋروپا ەلى روجدەستۆو جانە جاڭا جىلعا بايلانىستى بۇقارالىق ءىس- شارالاردى تويلامادى. ءبىرشاما ازيا ەلدەرى اي كۇنتىزبەسى بويىنشا ءداستۇرلى جاڭا جىل مەرەكەسىن اتاپ وتپەۋگە جانە كوپتەگەن ادامدى ءبىر جەرگە جيناماۋ جونىندە شەشىم قابىلدادى»، - دەدى يا. سودبااتار.

اۆتور: اياۋلىم التىنبەك