جاڭا جىلدى ءبىرىنشى قارسى الاتىن ەلدەر

دەگەنمەن ۋاقىت بەلدەۋىنە بايلانىستى ءار ەل ءارقالاي ۋاقىتتا جاڭا جىلعا وتەدى.

جاڭا جىلدى ءبىرىنشى بولىپ كيريباتي حالقى قارسى الادى. كىشكەنتاي عانا ارال-مەملەكەت تىنىق مۇحيتىندا ورنالاسقان. ءبىر قىزىعى، 1994-جىلى پرەزيدەنت سايلاۋىنا تۇسكەن ۇمىتكەر جەڭىسكە جەتىپ جاتسا، كيريباتي ەلىنە جاڭا جىلدى ءبىرىنشى قارسى الۋعا مۇمكىندىك جاسايتىنىن ايتقان.

قازىر كيريباتي ۇش ۋاقىت بەلدەۋىنە بولىنگەن. ەلدىڭ شىعىسىنداعى تۇرعىندار جاڭا جىلدى نۇر-سۇلتان ۋاقىتىمەن 31- جەلتوقسان كۇنى 16:00 دە قارسى الادى. 15 مينۋتتان سوڭ مەرەكەنى تويلاۋعا جاڭا زەلانديانىڭ چاتەم ارالىنىڭ تۇرعىندارى قوسىلادى. ويتكەنى بۇل ارال جاڭا زەلانديانىڭ قۇرامىنا كىرگەنىمەن ءوزى بولەك ارنايى ۋاقىت بەلدەۋىنە قوسىلعان.

سونداي-اق، تونگا كورولدىگى جاڭا جىلدى العاشقىلاردىڭ قاتارىندا قارسى الادى. كورول ءتورتىنشى تاۋفااحاۋ تۋپوۋ تونگانى گرينۆيچ ۋاقىتىنان 13 ساعات الدا جۇرەتىندەي ەتىپ بەكىتتى. وسىلايشا، تونگا كيريباتي جانە چاتەم ارالىمەن بىرگە جاڭا جىلدى ءبىرىنشى قارسى الادى.

massaget.kz