حالىق پارتياسىنىڭ مۇشەلەرى ەلوردادا اكسيا وتكىزدى
نۇر-سۇلتان. قازاقپارات - 31- جەلتوقساندا نۇر-سۇلتاندا قازاقستان حالىق پارتياسىنىڭ مۇشەلەرى اۋقىمدى اكسيا ۇيىمداستىردى، دەپ حابارلايدى قازاقپارات پارتيانىڭ باسپا ءسوز قىزمەتىنە سىلتەمە جاساپ.
ق ح پ اتىنان دەپۋتاتتىققا كانديداتتار مەن قوزعالىس مۇشەلەرى پارتيا لوگوتيپىنىڭ فونىندا ۇگىت جۇرگىزدى.
لوگوتيپ استانانىڭ ورتالىعىندا، «بايتەرەكتىڭ» جانىندا ورنالاسقان ەڭ ۇلكەن LED- ەكراندا ورنالاستىرىلدى. وسىعان وراي پارتيا مۇشەلەرى ۇگىت-ناسيحات جۇرگىزىپ، استانالىقتارعا پارتيانىڭ باعدارلاماسى جازىلعان پاراقشالار مەن كىتاپشالار تاراتتى.
اكسيا ۇيىمداستىرۋشىلارى اياز اتا مەن اقشاقاردىڭ كوستيۋمىن كيىپ، ەلوردا تۇرعىندارى مەن قوناقتارىن جاڭا جىلمەن قۇتتىقتادى.
«مەملەكەت لايىقتى قارتتىققا دا كەپىل بولۋعا ءتيىس. بۇگىنگى تاڭدا قازاقستاندىقتاردىڭ جيناق دەڭگەيى تومەن. ىنتىماقتى جۇيەگە قايتا ورالىپ، زەينەت جاسىن تومەندەتۋ تۋرالى ماسەلەنى قايتا قاراۋ قاجەت. ق ح پ باسەكەگە قابىلەتسىز جوعارى وقۋ ورىندارىنىڭ سانىن قىسقارتۋ ارقىلى وقىتۋ ساپاسىن ارتتىرۋدى جوسپارلاپ وتىر»، - دەدى اكسيا بارىسىندا ق ر پارلامەنتى ءماجىلىسىنىڭ دەپۋتاتتىعىنا كانديدات بولات سارسەنبايەۆ.
