قازاقستاندىقتاردى مەرەكە كۇندەرى ماس كۇيدە كولىك جۇرگىزبەۋگە شاقىردى

«مەرەكە كۇندەرى قارساڭىندا ماس كۇيىندە كولىك جۇرگىزۋ زاڭسىز ارەكەت بولىپ تابىلاتىنىن ەستەرىڭىزگە سالامىز. بۇل ادامداردىڭ ولىمىنە نەمەسە جاراقاتتانۋىنا اكەلۋى مۇمكىن، ال الكوگول ىشىمدىك ءىشۋ نەمەسە قوعامدىق ورىندا ماس كۇيدە بولۋ ءتۇرلى جاعىمسىز وقيعالارعا، ءتىپتى قىلمىس جاساۋعا دا الىپ كەلەدى. ماسەلەن، قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ستاتيستيكالىق دەرەكتەرىنە سايكەس 2020-جىلى الكوگولدەن، ەسىرتكىدەن جانە (نەمەسە) ۋىتقۇمارلىقتان ماساڭ كۇيدە جاسالعان كولىكتەگى 23509 قۇقىق بۇزۋشىلىق تىركەلدى»، دەلىنگەن حابارلامادا.

ونىڭ ىشىندە 19282 قۇقىق بۇزۋشى اكىمشىلىك قاماۋعا الىندى، 17203 ماس جۇرگىزۋشى ارنايى قۇقىعىنان ايىرىلدى، 1840 ادامعا 157 ميلليون تەڭگە سوماسىندا ايىپپۇل سالىندى.

«ەگەر ادام كولىك قۇرالىن باسقارسا نە باسقارۋ ناتيجەسىندە ج ك و الكوگولدىك ماساڭ كۇيدە جاساسا جانە جابىرلەنۋشىنىڭ دەنساۋلىعىنا جەڭىل زيان كەلتىرسە، وندا ول كولىك قۇرالىن باسقارۋ قۇقىعىنان ايىرا وتىرىپ، اكىمشىلىك جاۋاپتىلىققا تارتىلاتىنىن نازارىڭىزعا سالامىز. كەيىن، بۇل قايتالانعان جاعدايدا، قىلمىستىق جاۋاپكەرشىلىك تۋىندايدى»، دەلىنگەن حابارلامادا.

2020-جىلى قىلمىستىق كودەكسكە ماس كۇيىندە جول قوزعالىسى ەرەجەسىن بۇزعانى ءۇشىن (345-1-بابى) ارەكەتتىڭ اۋىرلىعىنا بايلانىستى 10 جىلعا دەيىنگى مەرزىمگە باس بوستاندىعىنان ايىرۋ جانە ءومىر بويىنا ارنايى قۇقىقتان ايىرۋ قاراستىرىلعان تۇزەتۋلەر كۇشىنە ەندى. سونداي-اق، بۇرىن قۇقىعىنان ايىرىلعان ادامنىڭ كولىك قۇرالىن ماس كۇيىندە باسقارعانى ءۇشىن جازالاۋ شارالارى كۇشەيتىلدى (ق ك 346-بابى).

وسى جىلى ەل بويىنشا الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە بولعان قاتىسۋشىلاردىڭ كىناسىنەن ورىن العان 2792 مىڭ ج ك و تىركەلدى. وسى جول كولىك وقيعالارىندا 108 ادام قازا بولدى. ادامداردىڭ قازا بولۋىنا جانە جاراقاتتانۋىنا اكەپ سوققان ماس كۇيىندە ج ق ە بۇزعانى ءۇشىن 225 ادام سوتتالدى، ونىڭ ىشىندە 177 ءسى باس بوستاندىعىنان ايىرۋ جازاسىنا تارتىلدى.

سونىمەن قاتار، ماس كۇيىندە قوعامدىق ورىنداردا بولعانى نەمەسە ىشىمدىك ىشكەنى ءۇشىن 11175 ادام اكىمشىلىك جاۋاپكەرشىلىككە تارتىلدى، ونىڭ 137 ءى كامەلەتكە تولماعاندار. 348 قۇقىق بۇزۋشىعا قاتىستى اكىمشىلىك قاماۋعا الۋ تۇرىندەگى جازا تاعايىندالدى، قالعاندارى اكىمشىلىك ايىپپۇل تولەدى.

«الداعى جاڭا جىل مەرەكەسىندە بارلىق جۇرگىزۋشىدەن اۆتوكولىك قۇرالىن ماس كۇيىندە باسقارۋعا جول بەرمەۋىن سۇرايمىز»، دەلىنگەن حابارلامادا.