اقتاۋدا اسكەرگە شاقىرىلعان جىگىت قاشپاق بولدى

Lada.kz رەسۋرسىنىڭ مالىمەتىنشە، اسكەرگە شاقىرىلعان بوزبالا اۆتوبۋسقا وتىراتىن كەزدە قاشپاق بولعان. جىگىت شاقىرۋ پۋنكتىنىڭ قاقپاسىنان ءوتىپ ۇلگەرگەن. ونىڭ سوڭىن الا اسكەري كوميسسارياتتىڭ ەكى قىزمەتكەرى قۋا جونەلگەن.

بىرەۋى ابايسىزدا ءسۇرىنىپ قۇلاعان. قاشقىندى اقتاۋ پوليتسيا باسقارماسى پاترۋل پوليتسيا باتالونىنىڭ «سۇڭقار-9» ەكيپاجى قۋىپ جەتىپ، جاس جىگىتتى اسكەري كوميسسارياتقا امان- ەسەن قايتاردى. كەيىن قاشۋعا تىرىسقان ساربازدىڭ اسكەري قىزمەتكە جىبەرىلگەنى بەلگىلى بولدى. اسكەري قىزمەتشى ونى ۆاگونعا دەيىن «قولىنان جەتەكتەپ» كىرگىزدى. ال قالعان جولاۋشىلار بۇل كەزدە تۋىستارىمەن قوشتاسىپ جاتتى.

اۆتور: گۇلزات اقجولوۆا