س ق و-دا سوتتالعان قىز-كەلىنشەكتەر قار قالاشىعىن سالىپ شىقتى

س ق و ق ا ج د باسپا ءسوز قىزمەتىنىڭ مالىمەتىنشە، ەس -164/6 مەكەمەسى - ايەلدەر كولونياسىندا سوتتالعاندار جاڭا جىلدى مەرەكەلەۋگە دايىندىقتى جەلتوقسان ايىندا باستاعان. 3 جاساقتا جازاسىن وتەپ جاتقاندار جاتاقحانالاردى بەزەندىرىپ، مەرەكەلىك كونسەرتتىك باعدارلاما ازىرلەدى. سونداي-اق ەرتەگى كەيىپكەرلەرى بار قار قالاشىعىن سالىپ شىقتى. مۇندا ءتۇرلى 20 شاقتى ءمۇسىن بار.

«قالاشىقتى الدىمەن قاردان جاسالعان كىرپىشتەرمەن قورشادى. ايەلدەر جاڭا جىلدىڭ يەسى - سيىردىڭ ءمۇسىنىن جاسادى. تورگە اياز اتا مەن اقشاقاردى وتىرعىزىپ، باسقا دا ەرتەگى كەيىپكەرلەرىنىڭ، جانۋارلاردىڭ قار مۇسىندەرىن ىستەدى. 3 جاساقتىڭ ايەلدەرى اراسىندا وسىلايشا بايقاۋ ۇيىمداستىرىلدى. سونداي- اق ولار شاعىن قويىلىمدارىن ازىرلەدى»، - دەيدى س ق و ق ا ج د باستىعىنىڭ ورىنباسارى دانيار حاريپوۆ.

جاڭا جىلدىق كەشكە قىز-كەلىنشەكتەر دايىندالىپ، كوستيۋمدەر دە تىككەن ەكەن. ال «بەلوسنەجكا جانە 7 گنوم» ەرتەگىسىندەگى باستى كەيىپكەر - بەلوسنەجكانى جاساقتاعى ەڭ بويى ۇزىن ايەل وينادى. بايقاۋدىڭ قورىتىندىسى بويىنشا 1 جاساق ءبىرىنشى ورىندى الدى.

«مۇنداي مەرەكەلەردى ۇيىمداستىرۋدىڭ تاربيەلىك جانە پسيحولوگيالىق ءمانى زور. ال جاڭا جىل ەرەكشە مەرەكە عوي، قىز- كەلىنشەكتەر وعان ءبىر اي دايىندالدى، ەشقايسى شەت قالماي شىعارماشىلىق الەۋەتىن كورسەتتى، ەرەكشە يدەيالار ۇسىندى»، - دەيدى دانيار حاريپوۆ.

اۆتور: اقەركە داۋرەنبەك قىزى